U Vilni prajšła kanfierencyja, pryśviečanaja 525-hodździu Skaryny
20 listapada ŭ Vilni prajšła Mižnarodnaja navukovaja kanfierencyja «Knižnaja tradycyja Vialikaha kniastva Litoŭskaha», pryśviečanaja 525-hodździu biełaruskaha pieršadrukara i zasnavalnika pieršaj u Vialikim kniastvie Litoŭskim kniharni Francyska Skaryny. U joj udzielničali biełaruskija i litoŭskija navukoŭcy.
Napačatku kanfierencyi hości ŭskłali kvietki da miemaryjalnaj doški Francyska Skaryny. Staršynia biełaruskaha kłuba «Siabryna» Valancin Stech u svaim vitalnym słovie raspavioŭ, što doška, kala jakoj usie sabralisia, była ŭstanoŭlena roŭna 25 hadoŭ tamu.
Stech zhadaŭ taksama, što, akramia miemaryjalnaj doški, u Vilni pra Skarynu nahadvaje vulica jaho imia, Vilenskaja himnazija, jakaja abrała sabie imia biełaruskaha pieršadrukara, i aŭdytoryja va ŭniviersitecie edukałohii Litvy, jakaja nosić imia Skaryny.
Ad biełaruskaha pasolstva ŭ Litvie vystupiła Volha Dašynievič, daradca pasła pa pytańniach kultury i dyjaspary.
«Čałaviek biez svajoj kultury — što dreva biez karanioŭ», — skazaŭ sakratar Vilenskaj Rady samakiravańnia Simanas Hirdzijaŭskas, havoračy pra Skarynu. Pradstaŭnik Vilenskaj meryi padkreśliŭ, što postać Skaryny arhanična ŭpisvajecca ŭ vobraz šmatkulturnaj Vilni, dapaŭniaje i ŭzbahačaje jaho.
Siabra Litoŭskaha sajuzu žurnalistaŭ Vitaŭtas Žejmantas braŭ udzieł u składańni knihi «Francysk Skaryna na movach śvietu» — u knizie jość jaho pierakład słovaŭ Skaryny na litoŭskuju movu. Vitaŭtas Žejmantas nahadaŭ, što Skaryna byŭ nie tolki pieršadrukarom i aśvietnikam, ale i vybitnym piśmieńnikam.
«Ja dumaju, što Skaryna zasłuhoŭvaje ŭ Vilni dobraha pomnika. Prynamsi, takoha ž dobraha, jak u Minsku»? — padsumavaŭ žurnalist.
Paśla ŭskładańnia kvietak prajšła panichida ŭ carkvie Sv. Mikałaja Cudatvorca.
Kanfierencyja prachodziła ŭ Vilenskaj karcinnaj halerei, jakaja mieścicca ŭ byłym pałacy Chadkievičaŭ.
Śviatočnaha nastroju ŭdzielnikam kanfierencyi dadało muzyčnaje vinšavańnie ansambla staražytnaj muzyki i tanca «Banchetto musicale».
Udzieł u kanfierencyi brali takija viadomyja ŭ halinie skarynaznaŭstva vučonyja jak doktar histaryčnych navuk Hieorhi Halenčanka, doktar humanitarnych navuk Mintaŭtas Čurynskas, doktar humanitarnych navuk Maryna Čyściakova, kandydat kultarałohii Aleś Suša, kandydat fiłałahičnych navuk Lileja Płyhaŭka, kandydat fiłałahičnych navuk Ihar Klimaŭ.
U subotu ŭdzielniki kanfierencyi naviedali niekali słynnaje svaim vydavieckim centram miastečka Jeŭje (zaraz — horad Vievis).
Arhanizatarami kanfierencyi vystupili Biełaruski kłub «Siabryna» ŭ Vilni, Instytut litoŭskaj movy, Asacyjacyja biełarusistaŭ Litvy razam z Pasolstvam Respubliki Biełaruś u Litoŭskaj Respublicy i Nacyjanalnaj biblijatekaj Biełarusi.
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka48
Kamientary