Situacyja z elektrazabieśpiačeńniem Kryma moža narmalizavacca tolki da navahodnich śviataŭ, zajaviŭ kiraŭnik rehijonu Siarhiej Aksionaŭ.
«My ličym, što nieabchodna rychtavacca da najhoršaha varyjantu, a mienavita: pieryjad NS praciahniecca da momantu ŭvodu ŭ ekspłuatacyju pieršaj čarhi enierhamosta praz Kierčanski praliŭ, heta značyć da 22 śniežnia. Ale heta nie 100%», — havorycca ŭ zajavie Aksionava.
Pry hetym kiraŭnik anieksavanaj Rasijaj respubliki pierakanany, što hetamu spryjaje «ciapierašniaja palityčnaja situacyja va Ukrainie, jakaja skłałasia za apošnija niekalki miesiacaŭ z-za tych krymčan, jakija ŭdzielničajuć u błakadzie i sprabujuć stvaryć u Krymie peŭnuju destruktyŭnuju situacyju».
Adnak Aksionaŭ upeŭnieny, što Krym całkam zabiaśpiečany praduktami, lekami i palivam. Akramia taho, jon daručyŭ profilnym viedamstvam zabiaśpiečyć žycharoŭ telefonnaj suviaźziu i internetam. Pa słovach Aksionava, «hrošy dla vyrašeńnia pytańniaŭ va ŭrada [Kryma] na rachunkach jość».
Hladzicie taksama: Lidar krymskich tataraŭ nazvaŭ umovy pieramovaŭ ab adnaŭleńni pastavak elektraenierhii
Kamientary