Paśla matča barysaŭskaha BATE suprać levierkuzienskaha «Bajera», jaki skončyŭsia ź likam 1:1, z boku rasijskich prakramloŭskich aktyvistaŭ, a taksama futbolnych fanataŭ pačalisia napadki na biełaruskuju movu i prava biełaruskaj dziaržavy na isnavańnie ŭ pryncypie.
Pryčynaj staŭ pierformans barysaŭskich fanataŭ, podpis da jakoha byŭ vykanany na biełaruskaj movie i hučaŭ jak «paviercie ŭ svaje siły, a my padtrymajem».
Adna z samych viadomych rasijskich supołak futbolnych zaŭziataraŭ «Ultras Naviny», jakuju maderuje były fanat maskoŭskaha «Spartaka», a ciapier viadomy prakramloŭski aktyvist Ivan Katanajeŭ pa mianušcy «Kambat», apublikavała fatahrafiju barysaŭskaha pierformansu z nastupnym podpisam, jaki my pryvodzim na movie aryhinała z poŭnym zachavańniem aŭtarskaj arfahrafii:
«Vy tolko hlańtie — cie biełoruska mova! Voobŝie, na niekojem podobii biełorusskoj movy v samoj biełoruśsii hovoriat tolko v dierievniach i nieprołaznych siełach. Vstrietiť etot sobačij łaj v krupnych horodach praktičieski nievozmožno. Intieriesno, choť odin ihrok na pole smoh normalno pročitať i poniať čieho tam napisano? Padtrymajut oni, m***ki!
Biełorusy, honitie v šieju vsiech etich małoletnich krietinov pytajuŝichsia etot sobačij łaj sdiełať svoim jazykom, inačie nie uśpiejetie morhnuť kak prievratitieś v ukrainciev! Nie davajtie sielukam dažie hołovu podniať — pusť honiajut skot v dierievniach i kartošku rastiat!»
Darečy, sam aŭtar, jak možna pabačyć z vyšejpryviedzienaha pasta, navat svajoj rodnaj rasijskaj movy tołkam nie viedaje – dapuskaje šmat pamyłak.
U kamientarach da pasta znajšlisia nie tolki tyja, chto jaho zaŭziata padtrymaŭ, ale i pradstaŭniki rasijskaha fanackaha ruchu, jakija ličać, što aŭtar takim čynam tolki paharšaje staŭleńnie inšych narodaŭ da ruskich.
Katanajeŭ u łahiery sieparatystaŭ na Danbasie. Fota ź jaho staronki «UKantakcie»
Varta adznačyć, što Ivan Katanajeŭ byŭ zasnavalnikam i lidaram abjadnańnia fanataŭ maskoŭskaha «Spartaka» «Fratryja», ale byŭ vyklučany ź jaho i adrynuty fanatami «Spartaka» ŭ 2010 hodzie z-za ŭdziełu ŭ finansavych machinacyjach, jakija niehatyŭna adbilisia na rasijskim fanackim ruchu i metaj jakich było asabistaje ŭzbahačeńnie Katanajeva. Dahetul jon źjaŭlajecca piersonaj non-hrata ŭ rasijskim fanackim ruchu.
U toj ža momant jon viadzie prakramloŭskuju fanackuju supołku ŭ sacyjalnaj sietcy «UKantakcie», źbiraje hrošy na dapamohu terarystam, što vajujuć na ŭschodzie Ukrainy, a taksama ŭdzielničaje ŭ raznastajnych masavych mierapryjemstvach, arhanizavanych rasijskimi ŭładami.
