Ukraina abkładzie biełaruski ekspart pošlinaj, pakryŭdziŭšysia za svaje cukierki i piva
Ukraina z 20 studzienia 2016 uvodzić śpiecpošliny na impart šerahu tavaraŭ ź Biełarusi. Pieralik apublikavany ukrainskim uradavym vydańniem ŭ sieradu. Ukraina nazyvaje heta rašeńnie «adekvatnymi zachadami ŭ adkaz na dyskryminacyjnyja i niedružalubnyja dziejańni z boku Biełarusi ŭ dačynieńni da pradpryjemstvaŭ kandytarskaj i pivavarnaj halin».
Pamier śpiecpošliny składzie 39,2% ad mytnaha koštu tavaru. U apublikavanym pieraliku małako i małočnyja pradukty, alej, syr, ryba, krabavyja pałački, šakaład i kandytarskija vyraby, piva, harełka, sol, kaśmietyka, pralnyja paraški, šyny, tkaniny, biusthaltary, škarpetki i kałhotki, chaładzilniki, traktary, mebla i inš.
Rašeńnie pryniata Mižviedamasnaj kamisijaj pa mižnarodnym handli, što razhladzieła pradstaŭlenyja Ministerstvam ekanamičnaha raźvićcia i handlu Ukrainy materyjały i pryznała dziejańni Biełarusi dyskryminacyjnymi i niedružalubnymi.
Niezadavolenaść Kijeva vyklikała, u pryvatnaści, faktyčna błakavańnie Biełaruśsiu ekspartnych pastavak ukrainskaj charčovaj pradukcyi. Havorka išła ab sumna viadomym pastanovie ŭrada №666, jakoj dla imparcioraŭ ŭviedziena pracedura atrymańnia śpiecyjalnych sanitarna-hihijeničnych siertyfikataŭ. Ukrainskija śpiecyjalisty adznačali, što pracedura atrymańnia dadzienaha dakumienta nie adrehulavana naležnym čynam — nie vyznačanyja ni łabaratoryi, u jakich treba atrymlivać taki siertyfikat, ni kankretnyja pakazčyki biaśpieki.
Nahadajem, što pastanova Saŭmina №666, jakoje ŭstupiła ŭ siłu 27 žniŭnia, datyčycca ekśpiertyzy tavaraŭ zamiežnaj vytvorčaści.
Pastanova praduhledžvaje abaviazkovuju siertyfikacyju impartnych tavaraŭ, navat kali tyja majuć dakumienty jakaści z krainy-pachodžańnia. 4 vieraśnia Ministerstva achovy zdaroŭja pasprabavała rastłumačyć niuansy pastanovy biźnies-supolnaści. U viedamstvie zapeŭnili, što ŭviadzieńnie abaviazkovaj sanitarna-hihijeničnaj ekśpiertyzy impartnaj pradukcyi nie pryviadzie da padaražeńnia tavaraŭ, a sumlennyja imparciory ŭ Biełarusi atrymajuć lhoty.
Anałahičny kanflikt Biełarusi i Ukrainy z uzajemnymi abvinavačvańniami i ŭviadzieńniem śpiecpošlina mieŭ miesca ŭ minułym hodzie, ale tady paśla napružanych pieramoŭ bakam udałosia damovicca.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary