Niekalki sotniaŭ čałaviek pryniali ŭdzieł u akcyi pratestu kala pasolstva Turcyi ŭ Maskvie: budynak zakidali kamianiami, jajkami i bankami z farbaj.
U vyniku dziejańniaŭ demanstrantaŭ vybityja niekalki šybaŭ. Palicyja nie ŭmiešvałasia i nie pravodziła zatrymańniaŭ. Zaraz demanstranty pastupova razychodziacca.
Jak paviedamiŭ pres-ataše pasolstva Archan Hazihil, u vokny lacieli butelki, i supracoŭniki bajalisia pierasoŭvacca pa kalidorach.
U dypmisii taksama paviedamlajuć, što z-za kinutych u vokny bujnych kamianioŭ i butelek niekatoryja supracoŭniki atrymali drobnyja traŭmy.
Napiaredadni da budynka dypmisii ŭ 7-m Rastoŭskim zavułku ŭ centry Maskvy pryjšli bolš za 600 čałaviek. Niekatoryja ŭdzielniki akcyi trymali ŭ rukach płakaty z nadpisami «Udar u śpinu» i «Nie jedu ŭ Turcyju».
Fota: «Novaja hazieta»
Pratesty pačalisia paśla taho, jak rasijski bambavik Su-24, jaki rabiŭ vylet z vajskovaj bazy «Chmiejmim» u Siryi ŭ 30 kiłamietrach ad miažy z Turcyjaj, byŭ źbity ŭ aŭtorak tureckim źniščalnikam F-16.
Prezident Rasii Uładzimir Pucin nazvaŭ abstreł rasijskaha samalota nad Siryjaj «udaram u śpinu ad pamahatych teraryzmu».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary