Siaredniaja tempieratura pavietra ŭ śviecie sa studzienia pa kastryčnik 2015 hoda była samaj vysokaj za ŭsiu historyju mieteanazirańniaŭ, vyśvietlili śpiecyjalisty Suśvietnaj mietearałahičnaj arhanizacyi pry AAN.
Pavodle dadzienych mietearołahaŭ na kaniec kastryčnika, uzrovień hłabalnych tempieratur sioleta byŭ značna vyšejšym, čym va ŭsie papiarednija hady.
Navukoŭcy taksama vyśvietlili, što pieryjad z 2011 pa 2015 hod byŭ samym ciopłym u historyi mieteanazirańniaŭ.
Siarod pryčyn pavyšeńnia tempieratur — uzmacnieńnie fienomienu «El-Nińjo», jaki vyklikaje pavyšeńnie tempieratury vady ŭ Cichim akijanie, a taksama hłabalnaje paciapleńnie.
Śpiecyjalisty SMA adznačajuć, što ŭzrovień kancentracyi parnikovych hazaŭ u atmaśfiery dasiahnuŭ rekordnych značeńniaŭ.
«Stan suśvietnaha klimatu ŭ 2015 hodzie ŭvojdzie ŭ historyju pa niekalkich pryčynach», — skazaŭ hienieralny sakratar arhanizacyi Mišel Žaro.
Na praciahu hoda ŭ mnohich krainach Jeŭropy, Paŭnočnaj Afryki i Blizkaha Uschodu naziralisia pieryjady anamalna mocnaj śpioki, u niekatorych rajonach tempieratura pavietra pieravyšała 45 hradusaŭ pa Celsii.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary