Sehvej, monakoła, elektrasamakat — novyja srodki pieramiaščeńnia, jakija možna nabyć u Biełarusi

Krutoj mašynaj užo mała kaho možna ździvić. Inžyniery sprabujuć minimizavać ciažkija aŭto i matacykły, a novyja technałohii dazvalajuć lohka pieramiaščacca va ŭmovach horada ź mienšymi vydatkami. My padabrali niekatoryja novyja srodki pieramiaščeńnia, jakija možna nabyć užo siońnia ŭ Biełarusi.

1. Elektrasamakat

Na pieršy pohlad, heta zvyčajnyja samakaty. Ale ŭ ich ubudavanyja śpiecyjalnyja ruchaviki z akumulatarami, jakija dazvalajuć raźvivać chutkaść da 30 km/h. Na rynku elektrasamakataŭ pieravažajuć dziciačyja viersii, ale jość i varyjanty dla darosłych. Jakasny prykład hetamu — elektrasamakat Volteco Generic Two S2 250.

Pavialičyć

U Minsku jaho možna nabyć pad zamovu z Rasii za 14 miljonaŭ (prykładna $780). Jon vytrymlivaje čałavieka z vahoj da 110 kh, sam važyć kala 10 kh, maje mahnitny tormaz, čas zaradžańnia — dźvie hadziny, a resurs pajezdki składaje kala 25 km. Jość nievialičkaja fara i dyspłej, na jakim vy možacie pabačyć infarmacyju ab zaradcy, prabiehu i chutkaści.

Pavialičyć

2. Hiraskutar

Samakatam heta ciažka nazvać, ale ŭsio što vam treba — stać i nakiroŭvać hety aparat. Karystalniki skardziacca na ciažkaści ź pieraadolvańniem bardziuraŭ i kupin. Raźvivaje chutkaść da 10 km/h. Zatoje i kaštuje ŭ Biełarusi ŭsiaho 9 miljonaŭ. Pakul što rynak hiraskutaraŭ mały, tamu ŭ Biełarusi možna nabyć tolki Smart Way 7''. Na adnoj zaradcy vy zmožacie prajechać kala 10—20 km, jon vytrymlivaje ludziej z vahoj da 100 kh, čas zaradžańnia 2—3 hadziny, a sam važyć 14 kh. Možna pakłaści ŭ zaplečnik, kali siadzie batarejka.

Pavialičyć

3. Monakoła

Dla tych, chto maryŭ navučycca jeździć na adnakołavym rovary, jość vydatnaja sučasnaja viersija. Ninebot One E+ kaštuje ŭ Biełarusi 16,5 miljonaŭ (kala $900). Heta koła vytrymlivaje čałavieka z vahoj da 120 kh. Monakoła hanarycca chutkaściu ŭ 22 km/h, na adnoj zaradcy možna prajechać 35 km, a zaradžajecca ŭsiaho dźvie hadziny.

Pavialičyć

4. Sehvej

Heta cacka dla zabiaśpiečanych i darosłych. Sehvei ŭžo možna zaŭvažyć na vulicach Minska. U asnoŭnym heta prakaty na Kamsamolskim voziery i na Niamizie. Pakul što takuju reč možna nabyć tolki ŭ Minsku i tolki ŭ adnoj firmie. Jość tolki dźvie madeli — Segway i2 i Segway x2. Pieršy pryznačany dla pieramiaščeńnia pa horadzie, a druhi moža katacca i na biezdarožžy. Sehvej mocna ŭdaryć pa vašaj kišeni, bo jaho košt składaje $7—8 tysiač, u zaležnaści ad madeli. Jany razhaniajucca da 20 km/h, batarejki chopić na 30—40 km, a važać jany pad 50 kh.

Pavialičyć

5. Elektraskiejt

Dla amataraŭ skiejtbordynhu kampanija Lite Electric Skateboards vypuściła elektraskiejt. Źbirać na takuju maru skiejtara daviadziecca až 12,5 miljona. Zatoje paśla vam dastatkova vyjechać na trasu, i vaš elektraskiejt spakojna vyciśnie 30 km/h. Tak jon zmoža prajechać 28 km… — a paśla siadzie batarejka. Zaradžajecca jon 3,5 hadziny, što niamała dla 9-kiłahramovaha skiejta. Zatoje jość u im jość Bluetooth i pult kiravańnia. Vytrymlivaje 110 kiłahram, možna navat pa chacie rečy pieravozić.

Pavialičyć

• 0
• 0
• 0
• 0
• 0
• 0
• 0
• 0