Prezident Azierbajdžana Ilcham Alijeŭ 27-28 listapada naviedaje z aficyjnym vizitam Biełaruś, paviedamlaje pres-słužba kiraŭnika biełaruskaj dziaržavy.
«Zapłanavanyja pieramovy biełaruskaha lidara Alaksandra Łukašenki i kiraŭnika azierbajdžanskaj dziaržavy ŭ vuzkim i pašyranym składach, a taksama padpisańnie mižnarodnych dakumientaŭ», — havorycca ŭ paviedamleńni.
Čakajecca, što Ilcham Alijeŭ uskładzie vianok da manumienta Pieramohi ŭ Minsku, naviedaje Biełaruski dziaržaŭny muziej historyi Vialikaj Ajčynnaj vajny.
Ilcham Alijeŭ pabyvaŭ u Minsku z aficyjnymi vizitami trojčy — u 2006, 2009 i 2012 hadach. I kožny raz biełaruski kaleha adkazvaŭ uzajemnaściu — u 2007, 2010 i 2013 hadach.
11-13 červienia hetaha hoda Alaksandr Łukašenka naviedvaŭ Azierbajdžan z rabočym vizitam. Jon pryniaŭ udzieł u aficyjnaj cyrymonii adkryćcia I Jeŭrapiejskich hulniaŭ i pravioŭ pieramovy z Alijevym.
Pa vynikach vizitu niekatoryja analityki vykazali zdahadku, što Biełaruś znoŭ choča atrymać finansavuju padtrymku ad Azierbajdžana. Tak, u 2010 Alijeŭ terminova daŭ Minsku pazyku 200 młn dalaraŭ dla raźliku z Rasijaj za pastaŭki pryrodnaha hazu, a praz hod Baku pad harantyi biełaruskaha ŭrada vyłučyŭ kredyt u 300 młn dalaraŭ «Biełaruśkaliju».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary