U dačynieńni da siastry ŭkrainskaj lotčycy Nadziei Saŭčanka, Viery, u Rasii raspačataja kryminalnaja sprava ab niepavazie da sudu, paviedamiŭ u svaim tvitary advakat Illa Novikaŭ.
«Vieru Saŭčanka ŭsio ž taki chočuć pryciahnuć za niepavahu da čečenskaha sudu», — paviedamiŭ Illa Novikaŭ.
Advakat vykłaŭ u tvitary pastanovu ab raspačaćci kryminalnaj spravy, ź jakoha vynikaje, što Viera Saŭčanka nibyta abraziła sudździu 28 kastryčnika ŭ čas sudovaha pasiedžańnia ŭ Viarchoŭnym sudzie Čačni pa spravie ukraincaŭ Mikałaja Karpiuka i Stanisłava Kłycha, abvinavačanych u datyčnaści da hibieli rasijskich vajskoŭcaŭ u pačatku 1990-ch hadoŭ padčas vajny ŭ Čačni.
Viera Saŭčanka ŭdzielničała ŭ hetym pracesie ŭ jakaści hramadskaha abaroncy Mikałaja Karpiuka.
«Saŭčanka V.U., padčas vydaleńnia jaje z zały sudovaha pasiedžańnia, u prysutnaści ŭdzielnikaŭ sudovaha pasiadžeńnia, vykazvajučy vidavočnuju niepavahu da suda i sudovaj ułady RF, naŭmysna, publična, vymaviła ŭ adras staršynstvujučaha sudździ Ismaiłava V.D. frazu: «Nie sudździa, a čmo», — havorycca ŭ apublikavanaj Novikavym pastanovie.
Pavodle rasijskaha zakanadaŭstva, Viery Saŭčanka moža pahražać štraf da 200 tysiač rubloŭ abo aryšt terminam da šaści miesiacaŭ. Jak udakładniŭ Illa Novikaŭ, u sieradu Vieru Saŭčanka adpuścili pad abaviazacielstva jaŭki.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary