Časopis Forbes apublikavaŭ na svaim sajcie śpis samych pravalnych halivudskich filmaŭ hetaha hoda.
Antyrejtynh uznačalvaje muzyčnaja kamiedyja ź Biłam Miurejem «Rok na Uschodzie» — jana zarabiła ŭ prakacie $2,9 młn pry biudžecie $15 młn. Na druhim miescy raźmiaściŭsia bajavik «Hanmen» z Šonam Penam ($10,7 młn pry biudžecie $40 młn), na trecim — detektyŭny tryler «Kibier» z Krysam Chemsvartam ($19,4 młn pry $ 70 młn biudžetu).
U pieršuju piaciorku patrapili taksama karciny «Niaskončanaja sprava» (sabraŭ $14,4 młn pry biudžecie $35 młn) i «Džem i hałahramy» ($2,3 młn pry $5 młn biudžetu).
Za imi ŭ śpisie iduć filmy «Self/less» ($12,3 młn pry $26 młn biudžecie), «Ultraamierykancy» (zarabiŭ $15,4 pry biudžecie $28 młn), «128 udaraŭ serca ŭ chvilinu» ($3,6 młn prybytku pry $6 młn biudžetu) i «Ałocha» ($26,3 młn pry $37 młn biudžetu).
Zamykaje dziasiatku novaja kamiedyja z Džoni Depam «Mardekaj» — stužcy taksama nie ŭdałosia akupić siabie ŭ prakacie, jana sabrała $47,3 młn, tady jak na vytvorčaść było vydatkavana $60 młn. Studyja Lionstage razharnuła šyrokuju rekłamnuju kampaniju ŭ padtrymku karciny, ale nie vyratavała jaje ad pravału. U ZŠA jaje premjera adbyłasia ŭ studzieni 2015 hoda, a suśvietnaja premjera była pryznačanaja na sakavik, ale dystrybjutary vyrašyli admianić reliz ŭ mnohich krainach z-za vynikaŭ amierykanskaha boks-ofisa.
U vieraśni Forbes nazvaŭ samyja stratnyja filmy minułaha leta. Pieršaje miesca zaniaŭ film «Ziamla budučyni».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary