Rasijski vajenny lotčyk Kanstancin Murachcin, jaki słužyŭ šturmanam na źbitym tureckimi VPS bambaviku Su-24, zajaviŭ, što jaho samalot nie moh parušyć tureckuju pavietranuju prastoru.
«Nie, heta vyklučana, navat na adnu siekundu, tym bolš što my lacieli na vyšyni kala 6000 mietraŭ, nadvorje było jasnaje. Uvieś naš palot da momantu vybuchu rakiety całkam mnoj kantralavaŭsia», — skazaŭ piłot ŭ efiry telekanała «Rasija 1».
Pa słovach Murachcina, jany nieadnarazova vykonvali bajavyja paloty ŭ tym rajonie i viedali jaho «jak svaje piać palcaŭ».
«Bajavyja zadačy vykonvali i nazad viartalisia pa zvarotnym maršrucie na avijabazu. Mnie naohuł jak šturmanu viadomaja tam kožnaja vyšynia. Mahu aryjentavacca navat biez pryboraŭ», — raspavioŭ jon.
Jak kaža rasijski šturman, nijakich papiaredžańniaŭ z boku Turcyi ab parušeńni pavietranaj prastory nie było, a rakieta zajšła ŭ chvost samalota raptoŭna i ŭ ekipaža nie było mahčymaści ad jaje ŭchilicca.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary