Kiraŭnik MZS Rasii Siarhiej Łaŭroŭ u telefonnaj razmovie sa svaim tureckim kaleham Mieŭlutam Čavušahłu nazvaŭ incydent z rasijskim Su-24 «zahadzia spłanavanaj akcyjaj», abvinavaciŭ kiraŭnictva Turcyi ŭ tym, što jano «pa sutnaści, stała na bok ID» i «nahadaŭ u hetaj suviazi ab udziele Turcyi ŭ niezakonnym handli ID naftaj».
Pra razmovu Łaŭrova z Čavušahłu paviedamiła rasijskaje źniešniepalityčnaje viedamstva. Jak havorycca ŭ zajavie MZS, jana adbyłasia pa inicyjatyvie tureckaha boku.
«Miarkujučy pa ŭsim, akcyja była naŭmysnaja i zahadzia spłanavanaja, pryčym pieraśledvała zusim vyznačanyja mety, — havorycca ŭ zajavie MZS pra incydent z rasijskim Su-24. — Ministr nahadaŭ u hetaj suviazi ab udziele Turcyi ŭ niezakonnym handli ID naftaj, jakaja idzie praz rajon, dzie byŭ źbity samalot, ab razhornutaj tam terarystyčnaj infrastruktury, składach zbroi i bojeprypasaŭ, centrach kiravańnia».
«M. Čavušahłu vykazaŭ spačuvańni i škadavańnie ŭ suviazi z hibiellu piłota. Razam z tym jaho vykazvańni tak ci inakš zvodzilisia da sprob apraŭdać dziejańni VPS Turcyi. Turecki ministr kazaŭ pra važnaść zachavańnia dyjałohu i suviaziaŭ z Rasijaj», — zajavili ŭ rasijskim MZS.
Premjer-ministr Turcyi Achmiet Davutahłu zajaviŭ, što Turcyja mieła prava na reakcyju ŭ adkaz u vypadku parušeńnia svajoj pavietranaj prastory, ździejśnienaje niahledziačy na nieadnarazovyja papiaredžańni.
«Kožny pavinien viedać, što naša mižnarodnaje prava i nacyjanalny abaviazak zaklučajecca ŭ tym, kab prymać lubyja miery suprać luboha, chto parušyć našy pavietranyja abo suchaputnyja miažy», — cytuje zajavu Davutahłu Asašyejted pres.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary