ZŠA, Jeŭrasajuz i zachodnie-bałkanskija dziaržavy damovilisia ŭ sieradu vieści «rehularny dyjałoh na apieratyŭnym uzroŭni» dla procidziejańnia hłabalnym pahrozam u halinie biaśpieki, havorycca ŭ vynikovaj zajavie samitu vaśmi zachodnie-bałkanskich dziaržaŭ i Aŭstryi z udziełam vice-prezidenta ZŠA Džo Bajdena i staršyni Jeŭrapiejskaha savieta Donalda Tuska, jaki prachodziŭ u pałacy prezidenta Charvatyi.
«Dramatyčny kryzis mihrantaŭ, jaki adbyvajecca ŭ ciapierašni čas, ujaŭlaje saboj biesprecedentny vyklik jak z humanitarnaha punktu hledžańnia, tak i z punktu hledžańnia biaśpieki, patrabujučy dyjałohu i zhody z metaj lepšaj abarony źniešnich miežaŭ ES i istotnaha palahčeńnia cisku mihracyi na zakranutyja krainy», — havorycca u vynikovaj zajavie samitu.
U dakumiencie abviaščajucca «adzinstva i salidarnaść» u suviazi z teraktami apošnich tydniaŭ, uklučajučy terakt na borcie rasijskaha A321 nad Sinajem i zachop zakładnikaŭ u hateli ŭ Bamako, i zaklik da ahulnaj baraćby z teraryzmam i jaho pryčynami.
«U adzinstvie i salidarnaści, u žachu ad žorstkaści terarystyčnaj ataki ŭ Paryžy, jak i terarystyčnych aktaŭ u Ankary, na Sinai, u Biejrucie i Bamako, my zaklikali da efiektyŭnych hłabalnych rašeńniaŭ u baraćbie z teraryzmam, jaho praduchileńnia i pracy z zychodnymi pryčynami radykalizmu, hvałtoŭnaha ekstremizmu i teraryzmu, jakija zakranajuć nas usich», havorycca ŭ zajavie. U suviazi z hetym patrabujucca bolš šyrokaje mižnarodnaje supracoŭnictva, lepšaja kaardynacyja i abmien infarmacyjaj pamiž pravaachoŭnymi orhanami, adznačyli ŭdzielniki samitu.
U dakumiencie sustrečy havorycca taksama ab nieabchodnaści dalejšaj intehracyi bałkanskich dziaržaŭ u ES i NATA. Pry hetym adznačajecca, što roznyja dziaržavy ruchajucca roznymi tempami, što pryvodzić «da pačućcia rasčaravańnia i stvaraje dobruju hlebu dla papulizmu i niestabilnaści, jakija časta kvitniejuć na niedazvolenych palityčnych i mižnacyjanalnych napružanaściach».
«Heta moža akazać admoŭny ŭpłyŭ na aktyŭnuju padtrymku pašyreńnia ES siarod dziaržaŭ-siabroŭ ES, uzmacniajučy dadzienuju niehatyŭnuju tendencyju, što nieabchodna pierałamać z abodvuch bakoŭ», — havorycca ŭ dakumiencie.
U sustrečy pryniali ŭdzieł prezidenty Aŭstryi, Ałbanii, Bośnii i Hiercahaviny, Makiedonii, Sierbii, Słavienii, Charvatyi, Čarnahoryi, a taksama Kosava. Prylot u Zahrab Bajdena ŭsprymajecca miascovymi naziralnikami jak viartańnie ZŠA da prablem Bałkanskaha paŭvostrava paśla taho, jak, sa skančeńniem bałkanskich vojnaŭ, viadučaja rola ŭ rehijonie advodziłasia Jeŭrasajuzu.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary