Prezident ZŠA Barak Abama napiaredadni Dnia padziaki vystupiŭ z telezvarotam, u jakim zapeŭniŭ nasielnictva Štataŭ u tym, što ŭłady krainy prymajuć usie mahčymyja miery, kab zabiaśpiečyć biaśpieku amierykancaŭ u śviatočny siezon.
Pa słovach Abamy, jakoj-niebudź kankretnaj infarmacyi pra terakty, jakija rychtujucca ŭ ZŠA, ciapier niama, adnak paśla napadaŭ u Paryžy ŭzrovień zakłapočanaści ŭ krainie rezka ŭzros.
«Možna zrazumieć ludziej, jakija turbujucca, što niešta padobnaje moža adbycca i tut, — zajaviŭ Abama. — Ale ciapier u nas niama nijakich kankretnych i dakładnych dadzienych ab tym, što ŭ ZŠA moža rychtavacca napad, i heta paćviardžajecca apošniaj infarmacyjaj, jakuju ja tolki što atrymaŭ.
«My prymajem usie mahčymyja miery, kab naša radzima zastavałasia ŭ biaśpiecy», — skazaŭ Barak Abama. Jon dadaŭ, što Złučanyja Štaty buduć praciahvać pieraśledvać bajevikoŭ hrupoŭki «Isłamskaja dziaržava», «dzie b jany ni chavalisia».
U aŭtorak Dziaržaŭny departamient ZŠA vypuściŭ apaviaščeńnie dla amierykancaŭ, jakija vandrujuć pa ŭsim śviecie, u jakim ich papiaredžvajuć ab «pavyšanych terarystyčnych pahrozach».
Pavodle dadzienych Dziarždepartamienta, takija ekstremisckija hrupoŭki, jak «Isłamskaja dziaržava», «Al-Kaida», «Boka Charam» i inšyja, praciahvajuć «płanavać napady ŭ mnohich rehijonach».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary