Słužba biaśpieki zabaraniła ŭjezd va Ukrainu rasijskamu śpievaku Siarhieju Pienkinu, jaki ŭ śniežni płanavaŭ vystupić z kancertami ŭ niekalkich haradach, paviedamiła Bi-bi-si — Ukraina pres-sakratar viedamstva Alena Hitlanskaja.
«My papiaredzili Ministerstva kultury i Kastryčnicki pałac pra zabaronu Siarhieju Pienkinu ŭjezd va Ukrainu», — paviedamiła Hitlanskaja.
Pry hetym jana nie nazvała pryčyn zabarony, patłumačyŭšy, što detalovaja infarmacyja źjavicca paźniej.
Raniej Ukraina zabaraniała ŭjezd va Ukrainu rasijskim šmatlikim artystam, jakija padtrymali anieksiju Kryma, a taksama dziejańni bajevikoŭ na Danbasie.
Siarhiej Pienkin źbiraŭsia vystupić z kancertami ŭ Kijevie 12 śniežnia, Dnieprapiatroŭsku — 13 śniežnia, Charkavie — 14 śniežnia i ŭ Adesie — 16 śniežnia.
9 śniežnia Pienkin źbirajecca vystupić u Homieli, a 10 śniežnia ŭ minskim Pałacy respubliki.