Kanstytucyjny sud Ispanii anulavaŭ dekłaracyju ab niezaležnaści Katałonii, uchvalenuju parłamientam pravincyi na hałasavańni 9 listapada. Takim čynam, sud pastaviŭ kropku ŭ jurydyčnym pracesie adździaleńnia Katałonii ad Ispanii, farmalna raspačatym kala miesiaca tamu.
Sud u Madrydzie zadavoliŭ pazoŭ urada Ispanii, padadzieny ŭ siaredzinie listapada adrazu paśla taho, jak parłamient Katałonii pryniaŭ dekłaracyju ab niezaležnaści. Jak adznačaje ispanskaja hazieta El Pais, heta adno z samych chutkich rašeńniaŭ u historyi suda.
Staršynia ispanskaha kanstytucyjnaha suda Francyska Pieres inicyjavaŭ razhlad apielacyi pa paskoranaj pracedury, bo ŭ kalehii z 11 sudździaŭ sfarmavałasia mierkavańnie, što rezalucyja ab adździaleńni Katałonii supiarečyć kanstytucyi, paviedamlaje El Pais. Tym nie mienš, kalehija abmiarkoŭvała rezalucyju na praciahu troch hadzin.
9 listapada parłamient ispanskaj aŭtanomnaj vobłaści Katałonija ŭchvaliŭ płan pa nabyćci niezaležnaści da 2017 hoda. U dakumiencie aficyjna abviaščaŭsia «pačatak pracesu stvareńnia niezaležnaj dziaržavy Katałonija ŭ vyhladzie respubliki». Płan praduhledžvaŭ vychad sa składu Ispanii na praciahu 18 miesiacaŭ.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)