Siłaviki źbilisia sa śledu mierkavanaha ŭdzielnika sieryi listapadaŭskich teraktaŭ u Paryžy Sałach Abdesłama, raspavioŭ CNN vysokapastaŭleny pradstaŭnik jeŭrapiejskich kontrterarystyčnych struktur, jaki pažadaŭ zastacca ananimnym.
Pavodle jaho słoŭ, jeŭrapiejskija śledčyja ŭ apošni raz atrymali infarmacyju pra mierkavanaha terarysta jašče 14 listapada, kali jon nibyta nie staŭ pryvodzić u dziejańnie pojas śmiarotnika, «zbajaŭsia i patelefanavaŭ siabram u Bruseli, kab jaho zabrali z Paryža».
Paśla hetaha siabry vysadzili Abdesłama ŭ bruselskim rajonie Scharbiek, i jaho ślady abryvajucca. Hramadzianin Bielhii Achmiet Damani, nibyta jaki dapamahaŭ terarystam, byŭ zatrymany 21 listapada ŭ tureckaj Antalii.
Surazmoŭca telekanała padkreśliŭ, što chutčej za ŭsio terarysty «Isłamskaj dziaržavy» nie buduć rady źjaŭleńniu Abdesłama ŭ Siryi, kali navat jamu ŭdasca tudy dabracca.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary