Ministr abarony ZŠA Eštan Karter rasparadziŭsia adkryć dla žančyn usie pasady ŭ amierykanskaj armii, u tym liku ŭ bajavych padraździaleńniach na pieradavoj. «Nijakich vyklučeńniaŭ nie budzie», - zajaviŭ jon u čaćvier, 3 śniežnia, na pres-kanfierencyi ŭ Pientahonie. Pa słovach Kartera, reforma budzie ažyćcioŭlena na praciahu 30 dzion.
Pryznaŭšy najaŭnaść fizičnych adroźnieńniaŭ pamiž mužčynam i žančynaj, Karter skazaŭ, što mnohija žančyny mohuć adpaviadać strohim fizičnym normam, roŭna jak jość i mužčyny, jakija nie mohuć im adpaviadać.
U 2013 hodzie administracyja prezidenta ZŠA Baraka Abamy vystupiła ź inicyjatyvaj u 2016 hodzie dazvolić žančynam prachodzić vajskovuju słužbu na lubych pasadach, u tym liku ŭ piachocie, artyleryi, braniatankavych vojskach i śpiecnazie. U toj ža čas Abama padaŭ Pientahonu mahčymaść uvodzić vyklučeńni — u tym vypadku, kali budzie dakazanaja ich apraŭdanaść.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary