Z 10 ladovych arenaŭ źmiaščalnaściu bolš za 500 hledačoŭ akuplajucca tolki dźvie
Hazieta «Priessboł» praviała daśledavańnie na pradmiet taho, jak akuplajucca ladovyja pałacy ŭmiaščalnaściu bolš za 500 hledačoŭ u haradach, dzie niama chakiejnych kamand.
Takich aren pa ŭsioj Biełarusi vyjšła dziesiać. Akupnymi źjaŭlajucca ŭsiaho dźvie: minski pałac na Prytyckaha (umiaščalnaść 1823 hledačy), a taksama pałac u Pinsku (640).
Siem aren źjaŭlajucca stratnymi. Najmienšy pracent akupnaści ŭ areny ŭ Łunincy (12%; 790 hledačoŭ). Dalej iduć areny ŭ Horkach (15—20%; 560 hledačoŭ), Ivacevičach (21%; 790 hledačoŭ), Kobrynie (28%; 790 hledačoŭ), Pružanach (36%; 790 hledačoŭ), Baranavičach (42%; 2100 hledačoŭ), Oršy (66%; 3500 hledačoŭ).
Jašče adna arena (u Biarozie umiaščalnaściu 570 hledačoŭ) nie padaje dadzienyja ŭ Brescki abłvykankam, bo «nosić aŭtanomny charaktar i funkcyjanuje pad patranažam kampanii «Trajpł».
Za 10 miesiacaŭ 2015 arena ŭ Ivacevičach zdoleła zarabić 1,5 miljarda rubloŭ. Pry akupnaści ŭ 21% atrymlivajecca, što vydatki na ŭtrymańnie pałaca ŭ hod składajuć bolš za 7 miljardaŭ rubloŭ (kala 400 tysiač dalaraŭ pa biahučym kursie Nacyjanalnaha banka).
Bolš za ŭsio takich ladovych pałacaŭ pabudavana ŭ Bresckaj vobłaści — siem. Eks-načalnik upraŭleńnia sportu i turyzmu Bresckaha abłvykankama Mikałaj Chievuk u 2012 hodzie zajaviŭ nastupnaje: «Usie hetyja abjekty ŭ halinie stratnyja. Dziakuj Bohu, budaŭnictva novych aren nie płanujecca. Heta na siońnia hałaŭny bol. My nabudavali pałacaŭ, a ciapier razvažajem, jak ich utrymlivać. Dumali, zarobim hrošy, ale ŭ vyniku nie atrymałasia».
Usiaho ŭ Biełarusi 30 ladovych pałacaŭ. Taksama Alaksandr Łukašenka daručyŭ pačać budaŭnictva areny dla Načnoj chakiejnaj lihi.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary