Łukašenka pamiłavaŭ abvinavačanaha ŭ karupcyi mahiloŭskaha čynoŭnika
Były načalnik upraŭleńnia adukacyi Mahiloŭskaha harvykankama Jaŭhien Dupleŭski, abvinavačany ŭ karupcyjnym złačynstvie, pamiłavany kiraŭnikom dziaržavy.
U lutym 2014 hoda abłasnaja prakuratura paviedamiła ab raspačynańni ŭ dačynieńni da čynoŭnika kryminalnaj spravy na padstavie častki 2 artykuła 210 KK (kradziež šlacham złoŭžyvańnia słužbovymi paŭnamoctvami, učynieny paŭtorna abo hrupaj asob pa papiaredniaj zmovie). Śledstva ŭstanaviła, što Dupleŭski na praciahu čatyroch vučebnych hadoŭ, u 2010—2013 hadach, afarmlaŭsia ŭ škołu na pracu pa sumiaščalnictvie nastaŭnikam fakultatyŭnych zaniatkaŭ na ŭmovach terminovaha pracoŭnaha dahavora, pry hetym faktyčna takija zaniatki z vučniami nie pravodziŭ. U škole afarmlałasia fiktyŭnaja słužbovaja dakumientacyja, jakaja źjaviłasia padstavaj dla naličeńnia jamu zarabotnaj płaty i ažyćciaŭleńnia abaviazkovych adličeńniaŭ u biudžet na ahulnuju sumu kala 22 młn. rubloŭ. Paśla były čynoŭnik, pryznaŭšy svaju vinu ŭ kradziažach, padaŭ prezidentu prašeńnie ab pamiłavańni.
«Pamiłavany jašče viasnoj hetaha hoda. Heta značyć, što jon pakryŭ uron ŭ dvuchrazovym ci trochrazovym pamiery», — zajaviŭ BiełaPAN načalnik adździeła pa baraćbie z karupcyjaj prakuratury Mahiloŭskaj vobłaści Andrej Vołkaŭ.
Sankcyja artykuła, pavodle jakoj abvinavačvaŭsia Dupleŭski, praduhledžvaje da siami hadoŭ pazbaŭleńnia voli z kanfiskacyjaj majomaści.
-
Pajezdka ŭ aeraport — ad 90 da 150 rubloŭ. Biełaruski kankurent «Jandeks-taksi» ahučyŭ taryfy
-
Žonka biełarusa, jaki emihravaŭ u Ispaniju ź siamjoj i zastaŭsia tam adzin, raskazała, čamu ŭ Baranavičach lepš, čym u Barsiełonie
-
Biełaruskija turysty pryjechali na mora ŭ AAE, ale miascovyja plažy akazalisia ŭ mazucie
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary