Biełaruś praciahnie palityku naładžvańnia samych ciesnych adnosin z Vatykanam.
Ab hetym kiraŭnik dziaržavy zajaviŭ 4 śniežnia padčas sustrečy z Apostalskim nuncyjem u Respublicy Biełaruś Kłaŭdya Hudžeroci, jakaja adbyłasia z nahody zaviaršeńnia jaho dypłamatyčnaj misii ŭ našaj krainie.
Jak adznačyŭ kiraŭnik dziaržavy, u pieryjad raboty Kłaŭdya Hudžeroci ŭ Biełarusi zroblena niamała dla naładžvańnia ciesnych kantaktaŭ z Vatykanam, z Papam.
«Chaču Vas zapeŭnić, što my ad hetaj palityki nie adychodzim. Kali ŭ kahości tam dumka, što Łukašenka pazicyju źmianiaje ŭ dačynieńni da katolikaŭ, Katalickaj carkvy i Vatykana, heta absalutna nie tak. Heta poŭnaja biazhłuździca, — zajaviŭ kiraŭnik Biełarusi. — My ničoha nie mianiajem, my nie padłaščvalisia ni z katalikami, ni z pravasłaŭnymi, ni ź inšymi. My pravodzili sumlennuju, ščyruju palityku».
Alaksandr Łukašenka praciahnuŭ: «Častka našych hramadzian — heta katoliki, heta vierujučyja ludzi. Heta pryncypovyja ludzi, i ja pavažaju ich pazicyju».
Na dumku Łukašenki, kožny čałaviek pavinien sam vyznačycca, pa jakoj darozie i da jakoha chramu jamu iści. «Ja dvaccać hadoŭ prytrymlivajusia hetaj palityki, i tak budzie zaŭsiody. Vy chočacie być katolikam? Kali łaska. Chočacie pravasłaŭnym? Nie zabaroniena. Iŭdziejskuju, musulmanskuju prapaviedavać relihiju, budyzm — kali łaska, my nie suprać. Vybirajcie lubuju, my nikoli nie budziem hetamu pieraškadžać. Nie žadajecie iści ŭ carkvu — nie idzicie. My nikoha haniać nie budziem i zahaniać u carkvu nie budziem. Čałaviek sam pavinien vyznačycca».
Źviartajučysia da Apostalskaha nuncyja, Alaksandr Łukašenka taksama adznačyŭ: «Dla vas važna, kab da vas pryjšoŭ pierakanany čałaviek, a nie prosta vypadkam. «Tut — ahulnačałaviečy padychod, Vy jaho razumieli, Vy nas u hetym płanie zaŭsiody padtrymlivali», — padkreśliŭ kiraŭnik dziaržavy.
-
Pajezdka ŭ aeraport — ad 90 da 150 rubloŭ. Biełaruski kankurent «Jandeks-taksi» ahučyŭ taryfy
-
Žonka biełarusa, jaki emihravaŭ u Ispaniju ź siamjoj i zastaŭsia tam adzin, raskazała, čamu ŭ Baranavičach lepš, čym u Barsiełonie
-
Biełaruskija turysty pryjechali na mora ŭ AAE, ale miascovyja plažy akazalisia ŭ mazucie
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary