Pres-sakratar prezidenta Dźmitryj Piaskoŭ rastłumačyŭ, čamu rasśledavańnie Fondu baraćby z karupcyjaj pra siamju Čajki nie vyklikała cikavaści ŭ Kramli.
«Mahu skazać, što hetaja infarmacyja była dla nas dastupnaja, niedzie ŭletku my ź joj aznajomilisia, heta było dzieści ŭ červieni», — skazaŭ Piaskoŭ u adkaz na pytańnie, ci aznajomilisia ŭ Kramli z materyjałami rasśledavańnia.
Taksama jon dadaŭ: «Tady ŭ jakaści aŭtara materyjału fihuravali inšyja ludzi i, ułasna, užo tady infarmacyja nie vyklikała našaj cikavaści, bo tam nie idzie havorka pra Hienieralnaha prakurora. Tam idzie havorka pra jaho paŭnaletnich synoŭ, jakija absalutna samastojna zajmajucca biznesam».
Na minułym tydni FBK pakazaŭ film-rasśledavańnie pra hienieralnaha prakurora Rasii. U im havaryłasia, što ŭ pieryjad ažyćciaŭleńnia svaich paŭnamoctvaŭ Juryj Čajka i jaho syny Arciom Čajka i Ihar Čajka, a taksama vysokapastaŭlenyja supracoŭniki Hienieralnaj prakuratury RF datyčnyja da sukupnaści ciažkich złačynstvaŭ suprać asoby, suprać dziaržaŭnaj słužby i ŭ śfiery ekanomiki.
Siarod złačynnych schiem, jakija apisaŭ FBK, — zachop kantrolu nad Vierchnielenskim parachodstvam i prodaž jaho sudnaŭ firmam-falšyŭkam. Taksama ŭ rasśledavańni jość namiok na mahčymaje dačynieńnie Arcioma Čajki da hibieli byłoha dyrektara hetaha pradpryjemstva.
Kaho z palitviaźniaŭ mohuć vypuścić paśla anonsu Łukašenki?7
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary