Ź lipienia na šašy Via Baltica byŭ zadziejničany pieršy ŭ Litvie testavy siektarny radar. Jon na amal 5-kiłamietrovym učastku pamiž Kaŭnasam i Maryjampale vymiaraŭ siaredniuju chutkaść transpartnych srodkaŭ.
Pravaparušalnikaŭ - tysiačy, a na budučyniu jość płany pa pašyreńni sistemy. Pieršaje vyprabavańnie radar prajšoŭ pamiž Kaŭnasam i Maryjampale na adrezku ŭ 4,873 km. Jon zamiaraje pačatkovuju i kančatkovuju chutkaść aŭtamabila. Hety ŭčastak možna pieraadoleć nie chutčej čym za 200 siekund.
Čakajecca, u budučyni kolkaść takich radaraŭ pavialičycca da 100, a heta abyjdziecca ŭ 1 młn jeŭra. Zrešty, u suviazi z źjaŭleńniem novaha radara źjavilisia i pravavyja sprečki.
«Źjavilisia i pravavyja niuansy. Tamu što ŭvodzicca paniaćcie siaredniaj chutkaści, kab možna było karać za pieravyšeńnie siaredniaj chutkaści», — skazaŭ kiraŭnik adździeła biaśpieki ruchu Litoŭskaj dyrekcyi aŭtamabilnych daroh Niamunas Abukaŭskas.
Zvyčajna kiroŭcy pierad radarami źnižajuć chutkaść, a potym znoŭ cisnuć na haz.
«Siektarny radar pazbaŭleny hetaha minusa — zajazdžaješ u siektar i jedzieš hetuju adlehłaść ŭvažliva. Heta efiektyŭna», — kaža Abukauskas.
Na adrezku mahistrali Via Baltica radar dziejničaje ŭžo amal paŭhoda, i ŭžo bačnyja pieršyja vyniki: u siarednim za miesiac fiksujecca kala 10 000 parušeńniaŭ ź pieravyšeńniem chutkaści da 10 km/h. Kolkaść kiroŭcaŭ, jakija pieravyšajuć chutkaść na 11-20 km/h, u miesiac fiksujecca kala tysiačy, na 21-30 km/h — kala 150, na 31—40 km/h — kala 20.
Płanujecca, što ŭ budučyni novyja radary buduć ustanoŭleny na mahistralach Via Baltica, Vilnia — Kaŭnas, Vilnia — Paniaviežys, Paniaviežys — Šaŭlaj, Šaŭlaj — Pałanha
Kamientary