Biełaruś razhladaje Vjetnam jak adnaho z najvažniejšych partnioraŭ u Paŭdniova-Uschodniaj Azii. Pra heta zajaviŭ siońnia Alaksandr Łukašenka na pieramovach z prezidentam Vjetnama Čyonh Tan Šanham.
Hanoi Times
«My hanarymsia tym, što našy adnosiny vychodziać na novy ŭzrovień hłybokaha ŭzajemavyhadnaha supracoŭnictva», — skazaŭ biełaruski lidar.
Jak i Vjetnam, Biełaruś pravodzić sacyjalna aryjentavanuju palityku, nakiravanuju na pavyšeńnie jakaści žyćcia ludziej. Pazicyi dźviuch krain absalutna supadajuć pa bolšaści pytańniaŭ mižnarodnaha paradku dnia.
Kiraŭnik Biełarusi ličyć, što ŭ dźviuch krain jość vialikija reziervy dla dalejšaha raźvićcia adnosin. Pierš za ŭsio, heta stavicca da handlova-ekanamičnaj śfiery.
Alaksandr Łukašenka ŭžo nie ŭ pieršy raz znachodzicca ŭ Vjetnamie. «I ja nie paznaju naš Vjetnam. Jon źmianiajecca na vačach. I my radyja za vas. I mianie nie pakidaje pačućcio taho, što ja pryjechaŭ na rodnuju ziamlu», — padkreśliŭ kiraŭnik biełaruskaj dziaržavy.
Jak adznačyŭ prezident Vjetnama, Biełaruś paśladoŭna praciahvaje svoj šlach raźvićcia. «Ja ćviorda ŭpeŭnieny, što biełaruski narod pad vašym kiraŭnictvam budzie dasiahać novych pośpiechaŭ u sacyjalna-ekanamičnym raźvićci, što dapamoža palepšyć žyćcio ludziej i pavysić pazicyju Biełarusi ŭ Jeŭropie i na mižnarodnaj arenie», - ličyć Čyonh Tan Šanh.
Nahadajem, Alaksandr Łukašenka robić svoj pieršy zamiežny vizit paśla pieravybrańnia na piaty termin prezidentam Biełarusi ŭ Vjetnam.
Vjetnam źjaŭlajecca adnym z handlovych partnioraŭ Biełarusi ŭ azijackim rehijonie. Pa dadzienych Nacstata, tavaraabarot pamiž Biełaruśsiu i Vjetnamam za studzień—vierasień 2015 skłaŭ 107 młn dalaraŭ, pry hetym ekspart — 82 młn dalaraŭ, impart - 24,6 młn dalaraŭ. Važnymi artykułami ekspartu ŭ Vjetnam źjaŭlajucca kalijnyja ŭhnajeńni, mašynakamplekty hruzavoj techniki, karjernyja samazvały, šyny, traktary, padšypniki, mietałapradukcyja, charčovyja pradukty.
Kamientary