7 śniežnia sud Iŭjeŭskaha rajona (Hrodzienskaja vobłaść) vynies rašeńnie pa kryminalnaj spravie ŭ dačynieńni da troch žycharoŭ Lidskaha rajona za vyrab i raspaŭsiud parnahrafii ŭ internecie. Mužčyny prysudžanyja da roznych terminaŭ źniavoleńnia - ad 2,5 da 4 hadoŭ. Taksama pastanoŭlena spahnać u dachod dziaržavy niezakonna atrymany imi dachod na ahulnuju sumu 9,9 miljarda rubloŭ (bolš za 540 tysiač dalaraŭ pa aktualnym kursie).
Pavodle infarmacyi Hrodzienskaha abłasnoha suda, adzin ź fihurantaŭ pryznany vinavatym pa č.2 art.343 (Vyrab i raspaŭsiud parnahrafičnych materyjałaŭ) i č.2 art.235 (Lehalizacyja materyjalnych kaštoŭnaściaŭ, nabytych złačynnym šlacham) Kryminalnaha kodeksa Biełarusi. Pa sukupnaści złačynstvaŭ mužčynu prysudzili da 4 hadoŭ pazbaŭleńnia voli z adbyvańniem u kałonii ŭzmocnienaha režymu, kanfiskacyjaj majomaści i pazbaŭleńniem prava zajmacca pradprymalnickaj dziejnaściu na praciahu 2 hadoŭ.
Druhi abvinavačany byŭ asudžany pa č.2 art.343 Kryminalnaha kodeksa na 3 hady pazbaŭleńnia voli ŭ kałonii ahulnaha režymu. Treci fihurant pa hetym ža artykule - na 2,5 hoda źniavoleńnia ŭ anałahičnych umovach.
Akramia taho, sud pastanaviŭ spahnać z troch abvinavačanych u dachod dziaržavy hrošy, atrymanyja złačynnym šlacham — 9,927 miljarda rubloŭ (prykładna 543.000 dołaraŭ ZŠA). I dziaržpošlinu na sumu 496 młn rubloŭ.
Zrešty, prysud jašče moža być abskardžany va ŭstanoŭlenym zakonam paradku
Kamientary