Paśla dziesiacihodździaŭ dyrektyŭnaha ateizmu viartańnie da relihijnaści ŭ byłych savieckich krainach, u tym liku ŭ Biełarusi, mieła škvalny charaktar. Adbyŭsia chutki rost kolkaści relihij, kanfiesij, ruchaŭ, ale razumieńnie ich sutnaści novymi paśladoŭnikami zastavałasia paviarchoŭnym: u toj momant była važnaj sama mahčymaść adnaŭleńnia śvietapohladnaj alternatyvy ateizmu.
Pastupova, pa miery nasyčeńnia hramadstva źviestkami ab relihii, cikavaść da hetaj temy zhasła. Tym nie mienš uzrovień relihijnaści, jaki skłaŭsia ŭ 1990-ch, zachavaŭsia. Bolš za toje, uvieś hety čas jon praciahvaŭ pavolna, ale niaŭchilna raści. Raźmierkavańnie nasielnictva pa kanfiesijach u ramkach dasiahnutaha ŭzroŭniu taksama zachavała strukturu pačatku 2000-ch.
Dadzienyja roznych daśledavańniaŭ 2000—2010-ch pakazvajuć, što dola ludziej, jakija ličać siabie relihijnymi, u ahulnaj kolkaści nasielnictva Biełarusi składaje ad 60% da 70%. Heta ludzi, jakija šukajuć i znachodziać u relihijnaj śfiery toje, čaho im nie chapaje ŭ śvieckim.
Što mienavita? Što naohuł dla ich značyć być ci ličyć siabie relihijnymi? Čamu ŭ svaim relihijnym vybary jany źviartajucca mienavita da toj, a nie inšaj relihii, kanfiesii, ruchu? Nakolki paśladoŭnaja ich relihijnaja pazicyja? Jak jana ŭpłyvaje na inšyja baki ich žyćcia? na sacyjalnaje asiarodździe?
9 śniežnia ŭ 18.30 u miežach sieryi «Hałoŭnaje pytańnie» Latučy ŭniviersitet zaprašaje na adkrytuju lekcyju kandydata fiłasofskich navuk Śviatłany Karasiovaj «Relihijnaść u Biełarusi: ad kancepcyj da dadzienych».
My daviedajemsia pra roznyja padychody da daśledavańnia relihijnaści ŭ Biełarusi ŭ 1990—2000-ch, pra ŭpłyŭ dadzienych na staŭleńnie hramadstva i jaho instytutaŭ da relihii i ab maštabnym kompleksnym daśledavańni relihijnaści, ažyćcioŭlenym u 2012—2015 fakultetam fiłasofii i sacyjalnych navuk BDU.
Usich achvotnych prosim papiarednie zarehistravacca. Kolkaść miescaŭ budzie abmiežavany. Lekcyja projdzie na Padvorku AHT-CSI (vuł. Bahracijona 39, 2 pavierch).
Dadatkovaja infarmacyja pa teł.: +375297422040
Kamientary