Premiju imia Alachnoviča vyrašyli sioleta nie prysudžać
Hałoŭnaja padzieja hoda, jakaja tyčycca patencyjnych aŭtaraŭ tvoraŭ pra dośvied turmy i svabody, adbyłasia sioleta ŭ žniŭni, kali na volu vyjšli šeść palitźniavolenych: Ihar Alinievič, Jaŭhien Vaśkovič, Mikałaj Dziadok, Arciom Prakapienka, Jury Rubcoŭ, Mikoła Statkievič.
Jany davali šmatlikija intervju, niekatoryja napisali karotkija narysy, jak Mikałaj Dziadok pra fienomen apierupaŭnavažanych, Jaŭhien Vaśkovič pra svaje dni narodzinaŭ za kratami. Ale, vierahodna, litaraturnaje asensavańnie svajho dośviedu ŭ tych, chto hetaha choča, jašče napieradzie.
Niekatoryja materyjały, dasłanyja na konkurs, byli napisanyja i apublikavanyja ŭ minułyja hady, zadoŭha da zasnavańnia premii, i nie mohuć być pryniatyja da razhladu.
Z uvahi na hetyja akaličnaści žury vyrašyła sioleta premiju imia Franciška Alachnoviča nie prysudžać.
Arhanizatary paćviardžajuć, što płanujuć uručać premiju, pakul u krainie buduć dla jaje padstavy i tvory, ale majuć spadzieŭ, što jana jak najchutčej stracić svaju aktualnaść.
Kamientary