«Biełavija» spyniaje lotać u Šarm-eš-Šejch, ale pačynaje rejsy na Kanary
Avijakampanija «Biełavija» prypyniaje z 10 śniežnia vykanańnie rejsaŭ u Šarm-eš-Šejch (Jehipiet). Ab hetym paviedamiŭ hienieralny dyrektar avijakampanii Anatol Husaraŭ.
«My prypyniajem paloty ŭ Šarm-eš-Šejch pa kamiercyjnych pryčynach, na jaki termin — pakul kazać składana. Siońnia ŭ nas budzie ažyćcioŭleny apošni rejs: tudy my palacim biez pasažyraŭ, nazad samalot budzie poŭny», — adznačyŭ jon.
Pa słovach Anatola Husarava, heta rašeńnie było pryniata kala miesiaca tamu. «My jaho pryniali, zychodziačy z zajavak našych partnioraŭ — turfirm, jakija farmirujuć hrupy ŭ hetym kirunku. Achvotnych adpačyvać u Šarm-eš-Šejchu stała značna mienš. Lotać u Churhadu my praciahniem, u tym abjomie, jaki zapłanavany», - padkreśliŭ jon.
Akramia taho, Anatol Husaraŭ paviedamiŭ, što 17 śniežnia «Biełavija» pačnie vykonvać paloty ŭ Charkaŭ.
«A ŭ sakaviku my płanujem adkryvać prahramu čarternych rejsaŭ na Kanarskija vyspy», - adznačyŭ hienieralny dyrektar avijakampanii.
Kamientary