Nižniaja pałata tadžykskaha parłamienta (Madžlisi Namajandahon) adnahałosna ŭ sieradu pryniała zakon «Ab zasnavalniku miru i adzinstva, lidary nacyi».
Tadžykski prezident Emamali Rachmon abvieščany lidaram nacyi «za vykanańnie histaryčnaj misii vyratavalnika».
Zakon składajecca z 16 artykułaŭ, jakija rehulujuć status dziejučaha prezidenta paśla taho, jak jon składzie ź siabie paŭnamoctvy kiraŭnika dziaržavy.
Jon, u pryvatnaści, harantuje Emamali Rachmonu niedatykalnaść paśla sychodu z prezidenckaj pasady. Siarod inšaha dakumient rehłamientuje «paradak prajavy pavahi da lidara nacyi».
Pryniaty zakon praduhledžvaje, što ŭ Tadžykistanie buduć stvorany biblijateki i muziei, pryśviečanyja žyćciu Emamali Rachmona.
Taksama novy zakon praduhledžvaje adkaznaść za nievykanańnie pryniataha dakumienta.
63-hadovy Emamali Rachmon niaźmienna kiruje Tadžykistanam z 1992 hoda.
Kamientary