Aleksijevič: «Piśmieńnik pavinien havaryć na svajoj movie, a nie ładzić mitynh z Nobieleŭskaj lekcyi»
Łaŭreat Nobieleŭskaj premii pa litaratury Śviatłana Aleksijevič publična adreahavała na krytyku jaje lekcyi. Nahadajem, što krytykanty paličyli, što piśmieńnica ŭ svaim vystupie nadała niedastatkova ŭvahi Biełarusi.
«Rastłumačcie hetym svaim hierojam, što piśmieńnik pavinien havaryć na svajoj movie, a nie ładzić mitynh z Nobieleŭskaj lekcyi, — zajaviła jana žurnalistam paśla sustrečy sa šviedskimi školnikami ŭ stakholmskaj biblijatecy Rinkeby. — Što mnie zastavałasia rabić? Kryčać «Žyvie Biełaruś» i skakać na kani?»
«U bankietnaj pramovie [viečaram 10 śniežnia] budzie trochi pra Biełaruś, — udakładniła Aleksijevič. — Ale ŭ hetaj situacyi ja kazała pra toje, što ja rabiła ŭsio žyćcio». «Bolšaść zrazumieła», — zaŭvažyŭ były pasoł Šviecyi ŭ Biełarusi, a ciapier nobieleŭski ataše Aleksijevič Stefan Eryksan, jaki znachodziŭsia pobač.
Kamientary