Były palitviazień Jury Rubcoŭ paprasiŭ palityčnaha prytułku ŭ Niamieččynie
Pavodle źviestak ad Juryja Rubcova, jon razam z žonkaj ciapier znachodzicca ŭ łahiery dla ŭciekačoŭ u Niurnbierhu.
«Pa patrabavańni syna i žonki, ja byŭ vymušany pakinuć Biełaruś i paprasić palityčnaha prytułku ŭ Niamieččynie. Mianie admysłova nie brali na pracu na radzimie, i ŭ vypadku niavypłaty padatku za darmajedstva ja znoŭ trapiŭ by za kraty. Ale ja hatovy zmahacca z režymam, i ŭpeŭnieny, što jaho možna zrynuć, nie vyvodziačy ludziej na vulicy suprać uzbrojenych da zuboŭ milicyjantaŭ. Adnak, čytajučy prahramy šmatlikich apazicyjanieraŭ, ja nie baču toj, jakaja sapraŭdy patrebnaja našaj krainie, — ja ŭsio bolš dumaju pra toje, što našyja apazicyjaniery imknucca tolki zaniać tron Łukašenki.
U syna pa-raniejšamu prablemy na pracy z-za majoj historyi, ale ciapier im usio heta lohka zvalić na ciažkuju ekanamičnuju situacyju ŭ krainie. Ciapier my z žonkaj znachodzimsia ŭ namiotavym łahiery ŭ Niurnbierhu. Nie mahu nazvać ŭmovy dobrymi, ale ŭ abaronu Niamieččyny chaču skazać, što zachaplajusia hetaj krainaj, jakaja paśla Druhoj suśvietnaj vajny dała prytułak stolkim uciekačam», — zajaviŭ Rubcoŭ.
***
Sioleta Jury Rubcoŭ byŭ vyzvaleny z-za krataŭ pavodle ukazu Alaksandra Łukašenki. Aktyvist adbyvaŭ termin u 2 hady za ŭchileńnie ad pracy, jakija atrymaŭ za toje, što na «chimii» admoviŭsia pracavać za mizerny zarobak. Na «chimiju» Jury Rubcoŭ patrapiŭ pavodle suda za toje, što źniavažyŭ sudździu, jaki sudziŭ jaho napałovu raspranutaha — milicyjanty sarvali z Rubcova majku z nadpisam «Łukašenka sychodź».
Kamientary