Pradstaŭniki Jeŭrapiejskaj słužby źniešnich dziejańniaŭ, a taksama hienieralnych dyrektarataŭ Jeŭrakamisii pa palitycy susiedstva i pieramovach ab pašyreńni i pa handli prybyli ŭ Minsk z dvuchdzionnym vizitam.
Jak paviedamlaje pres-słužba pradstaŭnictva ES u Minsku, delehacyju ŭznačalvajuć namieśnik dyrektara-kiraŭnika pa pytańniach Jeŭropy i Siaredniaj Azii Hunar Vihand i namieśnik hiendyrektara hienieralnaha dyrektarata pa palitycy susiedstva i pieramovach ab pašyreńni Kataryna Maciernava.
Delehacyja płanuje sustrecca z pradstaŭnikami biełaruskich uład, hramadzianskaj supolnaści, apazicyjnych partyj, kiraŭnikami misij krain ES i pradstaŭnikami mižnarodnych arhanizacyj, kab acanić stan adnosin ES i Biełarusi i abmierkavać dalejšyja zachady.
U Minsku 7—9 śniežnia taksama pracavała delehacyja, zadačaj jakoj źjaŭlajecca padrychtoŭka Štohadovaj prahramy dziejańniaŭ Jeŭrapiejskaha sajuza dla Respubliki Biełarusi — prahramy supracoŭnictva ź Biełaruśsiu pry finansavaj padtrymcy ES na 2016 hod. Delehacyju ŭznačalvaŭ načalnik adździeła Uschodniaha susiedstva hienieralnaha dyrektarata Jeŭrapiejskaj kamisii pa palitycy susiedstva i pieramovach ab pašyreńni Maćje Buskie.
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?12
Kamientary