Apielacyjny sud u Azierbajdžanie źmianiŭ mieru strymańnia ŭ dačynieńni da azierbajdžanskaj pravaabaroncy Łejły Junus i vyzvaliŭ jaje z-pad varty.
U dačynieńni da jaje abranaja miera strymańnia — chatni aryšt.
U žniŭni bakinski sud pryhavaryŭ 59-hadovuju Łejłu Junus, jakaja pracavała dyrektaram Instytuta miru i demakratyi, i jaje muža, historyka Aryfa Junusa, da 8,5 i 7 hadoŭ adpaviedna pa abvinavačvańniach u machlarstvie.
Suprać muža i žonki było taksama vysunutaje abvinavačvańnie ŭ dziaržaŭnaj zdradzie, ale praces pa hetaj spravie jašče nie pačynaŭsia.
Pravaabarončyja arhanizacyi nieadnarazova pakazvali na palityčnuju padaploku hetaha pracesu, patrabujučy vyzvalić muža i žonku, jakija znachodziacca ŭ ciažkim stanie.
U listapadzie z turmy byŭ vyzvaleny muž Łejły Aryf.
Kamientary