Pra heta paviedamili ŭ HUUS Minharvykankama.
Pravaachoŭniki vyjavili, što na praciahu dvuch hadoŭ na adnym ź dziaržaŭnych budaŭničych pradpryjemstvaŭ stalicy elektramantažnik faktyčna prahulvaŭ pracu, adnak usio roŭna atrymlivaŭ svaju zarpłatu, častku jakoj addavaŭ prarabu bryhady ŭ jakaści apłaty za adsutnaść na pracoŭnym miescy.
Prarab sam vyznačaŭ sumu, jakuju pracoŭny pavinien byŭ jamu pieradać za maŭčańnie. Pry hetym u adździeł pracy i zarabotnaj płaty pradpryjemstva prarab padavaŭ zaviedama niedakładnyja źviestki ab kolkaści adpracavanaha elektramantažnikam času. Akramia taho, pa patrabavańni praraba pracoŭny štomiesiac pieradavaŭ jamu pracent ad svaich zarobkaŭ na «levych» abjektach. Takim čynam prarab atrymaŭ bolš 320 młn rubloŭ niezakonnaha prybytku.
Dziejańni praraba kvalifikavanyja pa č.4 art.210 (kradziež šlacham złoŭžyvańnia ŭładaj abo słužbovymi paŭnamoctvami ŭ asabliva bujnym pamiery) Kryminalnaha kodeksa. Sankcyja artykuła praduhledžvaje pakarańnie ŭ vyhladzie pazbaŭleńnia voli terminam da 12 hadoŭ z kanfiskacyjaj majomaści i pazbaŭleńniem prava zajmać peŭnyja pasady abo zajmacca peŭnaj dziejnaściu.
Kamientary