Dziasiatki ludziej sustrakali Śviatłanu Aleksijevič u aeraporcie z kvietkami i karavajem ANŁAJN
Skandavali «Dziakuj!».
17:12
Varta adznačyć, što Aleksijevič nie pryjechaŭ sustrakać nichto z pradstaŭnikoŭ Ministerstva kultury.
17:02
Aleksijevič sustreła plamieńnica. Joj usio jašče pieradajuć kvietki ŭdziačnyja čytačy. Piśmieńnica vyhladaje vielmi radaja, što jaje tak sustrakali.
16:58
Siarhiej Hudzilin pačynaje dasyłać zdymki z sustrečy Aleksijevič.
16:54
Pieršaje videa karespandentaŭ «NN» z aeraporta.
16:53
Ludzi ŭziali Aleksijevič u ščylnaje koła. Padaravali joj karavaj. Siarod prysutnych bačym eks-kandydataŭ u prezidenty Alaksandra Milinkieviča i Taćcianu Karatkievič z kvietkami. Tut ža prysutnyja budaŭnik, były kiraŭnik Maładoha frontu Źmicier Chviedaruk, staršynia Partyi BNF Alaksiej Janukievič. Jość paet Dźmitryj Strocaŭ.
16:44
Aleksijevič sustreli apładysmientami i krykami «Śviatłana», a taksama «Dziakuj» i «Vinšujem» (usio pa-biełarusku). Aleksijevič pryznałasia, što dla jaje takaja sustreča była niečakanaj. «Ja vas usich vielmi lublu», — skazała piśmieńnica.
16:37
Julija Čarniaŭskaja papiaredžvaje tych, chto sustrakaje, kab jany nie abdymali i całavali Aleksijevič, bo jana zachvareła ŭ Stakholmie.
16:35
Pryjechaŭ zasnavalnik partała tut.by Juryj Zisier razam z žonkaj, kulturołaham Julijaj Čarniaŭskaj.
Ludzi vyrašajuć, što skandavać: ci prosta «Śviatłana», ci «dziakuj».
16:33
Dziaržaŭnych telekanałaŭ na sustrečy Aleksijevič niama.
16:30
U aeraporcie prysutničaje lidar Ruchu «Za Svabodu» Alaksandr Milinkievič, a taksama staršynia Partyi BNF Alaksiej Janukievič.
16:26
U aeraporcie transparant «Biełarusy hanaracca vami, Śviatłana». Taksama šmat u kaho knihi Aleksijevič u rukach.
16:23
Abvieścili, što samalot z Stakholma pajšoŭ na pasadku. Ludzi čakajuć na vychadzie. Mnohija trymajuć kvietki. Niekatoryja pryjšli navat z małymi dziećmi.
16:18
Jak pieradaje z aeraporta «Minsk» karespandent «NN» Arciom Harbacevič, sustreć piśmieńnicu sabrałasia paŭsotni čałaviek.
Studentka mieduniviersiteta skazała «NN», što Aleksijevič vartaja była vysokaj sustrečy na dziaržaŭnym uzroŭni, chacia b tak, jak sustrakajuć alimpijskich čempijonaŭ.
Stały čałaviek skazaŭ, što pražyŭ niemałoje žyćcio, ale nikoli nie adčuvaŭ takoha honaru za krainu jak pry ŭznaharodzie Aleksijevič.
Siońnia ŭ Minsk z tryumfam viartajecca nobieleŭskaja łaŭreatka Śviatłana Aleksijevič.
Jana vierniecca samalotam sa Stakholma, što pryziamlicca ŭ minskim aeraporcie ŭ 16:35 (rejs B2_856, mierkavana siektar 3-4).
Raniej u sacyjalnych sietkach uźnik navat śpiecyjalny ruch, kab hodna sustreć u aeraporcie nobieleŭskuju łaŭreatku. Praŭda, jaje siabroŭka Julija Čarniaŭskajapapiaredžvaje ŭ svaim fejsbuku:
«Darahija siabry, jakija źbirajucca sustrakać Śviatłanu Aleksijevič u aeraporcie. Vielizarnaja prośba. Jana budzie vielmi rada sustrečy i vielmi kranutaja vašaj inicyjatyvaj. Ale ŭ Šviecyi (tam choładna i viecier) jana prychvareła, mocna prastudziła ščaku, i ciapier ščaka balić. Tamu Śviatłana prosić nie kidacca jaje abdymać i całavać z usim zapałam lubovi i padziaki, i trymać mikrafony dalej ad jaje tvaru (nie sakret, što mnohija ich prosta sovajuć ŭ rot intervjujavanamu). Jana budzie vielmi ŭdziačnaja za razumieńnie».
Ciapier čytajuć
Biełarus Dźmitryj Šepieleŭ raskazaŭ padrabiaznaści chvaroby, lačeńnia i śmierci Žanny Fryskie7
Kamientary