Hrodzienskim mižrajonnym adździełam Śledčaha kamiteta raspačataja kryminalnaja sprava pa fakcie niezakonnych dziejańniaŭ u dačynieńni da bojeprypasaŭ (č. 2 art. 295 KK).
Jak paviedamiŭ aficyjny pradstaŭnik upraŭleńnia SK pa Hrodzienskaj vobłaści Siarhiej Šaršanievič, padčas praviadzieńnia apieratyŭna-vyšukovych mierapryjemstvaŭ apieratyŭnyja supracoŭniki Leninskaha RAUS Horadni zatrymali 40-hadovaha mužčynu biez peŭnaha miesca žycharstva i rodu zaniatkaŭ, jaki zbyŭ hrodziencu niekalki patronaŭ kalibra 5,45 mm, pryznanych ekśpiertami prydatnymi dla stralby bojeprypasami.
U chodzie nastupnaha ahladu doma ŭ pryvatnym siektary, dzie ŭ apošni čas pražyvaŭ zatrymany, było znojdziena i kanfiskavana jašče amal 2 tys. anałahičnych patronaŭ.
Śledčyja vyjavili, što padazravany znajšoŭ bojeprypasy ŭ kancy 1990-ch hadoŭ kala adnoj z voinskich častak, jakaja rychtujecca da rasfarmavańnia, i zachoŭvaŭ u roznych miescach. Uličvajučy, što ŭ apošni čas jon vioŭ amaralny ład žyćcia, złoŭžyvaŭ śpirtnymi napojami, raźvioŭsia i nie mieŭ krynicy dachodu, vyrašyŭ zbyvać patrony.
Dla adniasieńnia kanfiskavanych padčas ahladu doma patronaŭ da katehoryi bojeprypasaŭ i vyjaŭleńnia ich prydatnaści pa metavym pryznačeńni pryznačanaja sudova-balistyčnaja ekśpiertyza, jakaja pravodzicca ekśpiertami Dziaržaŭnaha kamiteta sudovych ekśpiertyz.
U dačynieńni da padazravanaha prymienienaja miera strymańnia ŭ vyhladzie zaklučeńnia pad vartu. Raniej jon pryciahvaŭsia da kryminalnaj adkaznaści za ŭchileńnie ad utrymańnia dziaciej.
Śledčyja i supracoŭniki milicyi vyśviatlajuć inšyja mahčymyja fakty supraćpraŭnaj dziejnaści fihuranta, u tym liku źviazanyja ź niezakonnymi dziejańniami ŭ dačynieńni da bojeprypasaŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary