Prajšło paŭhoda sa śmierci Žanny Fryskie, i ciapier rodnyja śpiavački zmahli kančatkova padzialić jaje majomaść. Pakolki artystka nie pakinuła zaviaščańnia, Dźmitryj Šepieleŭ i baćki Žanny doŭhi čas nie mahli damovicca, kamu ž dastaniecca nieruchomaść zorki, paviedamlajuć infarmahienctvy.
Na majomaść Fryskie pretendavali jaje baćki i syn Płaton, apiekunom jakoha źjaŭlajecca Šepieleŭ. Pakolki zaviaščańnia nie było, u blizkich śpiavački było dva varyjanty rašeńnia majomasnych sprečak: źviartacca ŭ sud abo damaŭlacca mirna.
Z ulikam taho, što kanflikt pamiž rodnymi Žanny i jaje sužycielem ciahniecca ŭžo niekalki miesiacaŭ i niadaŭna dasiahnuŭ svajho apahieju, mnohija čakali, što bitva za spadčynu budzie hučnaj. Adnak baki zmahli damovicca paluboŭna.
U vyniku dvuchpakajovaja kvatera ŭ centry Maskvy na 12-m paviersie elitnaha doma ŭ rajonie Čyrvonaj Preśni dastałasia baćkam Fryskie. Jany płanujuć pakinuć apartamienty niekranutymi, mahčyma navat, pieratvaryć ich u muziej pamiaci pra Žannu. U dalejšym usio heta dastaniecca ich unuku Płatonu.
Dźmitryju Šepielevu ž zastaŭsia zaharadny dom płoščaj 400 kv.m i ŭčastak pamieram 300 sotak. Hetuju nieruchomaść jon i Fryskie kuplali razam kala troch hadoŭ tamu, kali zorka była ciažarnaja. Baćki śpiavački jašče da aficyjnaha padziełu majomaści padkreślivali, što kali muž Fryskie nie budzie pretendavać na kvateru, jamu piarojdzie padmaskoŭny asabniak. Sam Šepieleŭ kazaŭ, što płanuje žyć u domie razam z synam padalej ad haradskoj mituśni.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary