U Ispanii pačałosia hałasavańnie na vybarach u parłamient, jakija ŭ krainie nazyvajuć «histaryčnymi».
Pavodle prahnozaŭ, jany pakładuć kaniec dvuchpartyjnaj sistemie, jakaja praisnavała bolš za try dziesiacihodździ, pieradaje RIAN.
Na 350 miescaŭ u kanhresie deputataŭ (nižniaja pałata) i 208 sienackich miescaŭ pretendujuć 4353 čałavieki — 2263 mužčyn i 2090 žančyn. Svaich kandydataŭ vyłučyli 13 partyj i abjadnańniaŭ.
Praviadzieńnie vybaraŭ abydziecca dziaržaŭnamu biudžetu ŭ 130,24 młn jeŭra.
Apytańni, jakija pravodziacca napiaredadni vybaraŭ, śviedčać, što pieršaje miesca zojmie kirujučaja ŭ Ispanii apošnija čatyry hady pravaja Narodnaja partyja, adnak jana nie zmoža atrymać absalutnuju bolšaść. Jašče try partyi pretendujuć na toje, kab zaniać nastupnyja try miescy — Ispanskaja sacyjalistyčnaja rabočaja partyja na čale ź Piedra Sančasam, pravacentrysckaja «Hramadzianie» na čale z Albiertam Ryvieram (hetaja partyja źjaviłasia ŭ Katałonii dziesiać hadoŭ tamu i adstojvaje terytaryjalnuju cełasnaść krainy), i Podemos na čale z Pabła Ihlesijasam, jakaja zaradziłasia na asnovie hramadskaha ruchu 15M i aficyjna stała partyjaj tolki ŭ studzieni 2014 hoda.
Farmavańnie kabinieta ŭ Ispanii zaležyć ad tych kaalicyj, jakija buduć sfarmavanyja pa vynikach vybaraŭ.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant24
Kamientary