Hety fakt «Našaj Nivie» paćvierdzili ŭ pres-słužbie upraŭleńnia Śledčaha kamiteta pa Bresckaj vobłaści.
11 śniežnia ŭ adnoj z baranavickich kvater milicyja znajšła trup mužčyny, jaki pamior, pierapiŭšy. Za niekalki dzion da taho jon ź siabram vyrašyŭ pajści ŭ zapoj, kupiŭšy 17 plašak harełki.
Ad atručvańnia ałkaholem 45-hadovy mužčyna pamior, upaŭšy la haračaj batarei. Jahony ž siabra praciahvaŭ pić.
Praz try dni cieła znajšła žonka zahinułaha, jakaja nie mahła adšukać muža. Pry źjaŭleńni ŭ kvatery milicyi siabra zahinułaha, jakija jašče nie adyšoŭ ad zapoju, paprasiŭ nie budzić svajho tavaryša, bo toj adpačyvaje.
Miž tym častka cieła zahinułaha, jakaja była la haračaj batarei, užo raskłałasia.
Pa zdareńni pravodzicca pravierka.