Vandały raźbili vokny i pałamali meblu ŭ musulmanskim malitoŭnym domie na francuzskim vostravie Korsika, pieradaje Associated Press. Jany taksama sprabavali spalić śviatyja knihi, u tym liku Karan, ale jon nie zhareŭ.
Akramia taho, jany išli i bili vokny ŭ musulmanskim kvartale, piša hazieta «Mond».
«Arabi fora» — «Araby, preč!» — skandavali jany pa-karsikansku.
Francuzski premjer-ministr Maniuel Vals asudziŭ napad na malitoŭny dom i padkreśliŭ, što apahańvańnie miescaŭ dla malitvaŭ niedapuščalna i niezakonna.
Dziejničała nievialikaja hrupa demanstrantaŭ ź liku tych, chto vyjšaŭ na vulicy horada Ajača paśla situacyi napiaredadni, kali niejkija ludzi, mierkavanie, musulmanie, paranili troch supracoŭnikaŭ ekstrannych słužbaŭ.
Ciapier čytajuć
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary