U Rasii skončyŭ žyćcio samahubstvam padletak, zackavany za padtrymku Ukrainy
U horadzie Žyhuloŭsk Samarskaj vobłaści skončyŭ žyćcio samahubstvam 18-hadovy Uład Kaleśnikaŭ. Imia junaka stała šyroka viadoma ŭ červieni 2015 hoda, kali jon pryjšoŭ na zaniatki ŭ futbołcy z ukrainskim ściaham i nadpisam «Viarnuć Krym!», a taksama vyviesiŭ u Padolsku, dzie jon vučyŭsia, antyvajenny łozunh.
Paśla hetaha incydentu Uład byŭ adličany z technikuma. Im zacikavilisia śpiecsłužby: palicyjanty prychodzili i pytalisia, adkul jon uziaŭ futbołku. Dzied, prychilnik Pucina, adpraviŭ jaho da baćki, u Žyhuloŭsk.
U vajenkamacie jon uklučyŭ zapisany himn Ukrainy i admoviŭsia iści ŭ vojska.
Historyja Ułada Kaleśnikava stała šyroka viadomaja, pra jaho pisali i rasiejskija, i zachodnija ŚMI. Jon vioŭ papularny błoh i ŭdzielničaŭ u šerahu apazicyjnych hrup u «fejsbuku». Adnak u Žyhuloŭsku Uład nie znajšoŭ supolnaj movy sa svajakami i skardziŭsia na ckavańnie z boku adnahodkaŭ:
«Adnosiny ź ludźmi prosta žach — užo abiacali pabić, kidali ŭ mianie brud i śniežki, pastajannyja abrazy i šturchańnie łokciami ŭ kalidorach. Navat adzin daŭ u tvar (niamocna, na ščaście). Mnie nielha źviartacca ŭ palicyju (tyja jašče ŭletku dali zrazumieć, što dapamahać mnie nie buduć i, pracytuju, «sam by tabie ŭ mordu daŭ za takija rečy…» U Žyhuloŭsku tut sa mnoj naohuł što zaŭhodna mohuć zrabić. Adčajna šukaju, kudy možna źjechać», — pisaŭ jon u listapadzie karespandentu Radyjo Svaboda.
25 śniežnia Uład Kaleśnikaŭ pryniaŭ śmiarotnuju dozu lekaŭ. Palicyja paviedamiła, što vyratavać jaho nie ŭdałosia.
-
Čynoŭnikam Jeŭrasajuza, jakija adpraŭlajucca ŭ ZŠA, vydajuć adnarazovyja telefony praz bojaź špijanažu
-
«Zrabili absalutna žachlivuju pracu». Tramp znoŭ abvinavaciŭ u pačatku vajny va Ukrainie Zialenskaha i Bajdena
-
Jeŭrapiejskija kampanii z-za palityki Trampa mohuć viarnucca da supracoŭnictva z «Hazpramam»
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary