Niezadoŭha da 30-j hadaviny hučnaha zabojstva šviedskaha premjera Ułafa Palmie ŭ šviedskim Hioteborhu była vyjaŭlena mierkavanaja zbroja złačyncy, piša Expressen.
Mahčymuju pryładu zabojstva pieradaŭ u palicyju prafiesar kryminałohii Lejf Piersan, jaki doŭhi čas zajmajecca abstavinami zamachu 1986 hoda. Sam Piersan atrymaŭ jaho ad čałavieka, jaki pažadaŭ zachavać ananimnaść.
Zaraz u palicyi pravodziać ekśpiertyzu revalviera «Mahnum», adnak užo viadoma, što trapiłyja ŭ Palmie kuli mahli być vypuščany z zbroi hetaj madeli. Pry hetym vydańnie adznačaje, što sami kuli surjozna defarmavany, i budzie vielmi składana znajści dokazy stralby imi mienavita z hetaha revalviera.
Šviedski sacyjał-demakrat Ułaf Palmie, jaki zajmaŭ pasadu premjer-ministra ŭ druhi raz u svajoj karjery, byŭ zabity 28 lutaha 1986 na centralnaj vulicy Stakholma Śvieavehien, kali viartaŭsia ŭviečary z kino razam z žonkaj. Nieviadomy mužčyna dvojčy streliŭ u Palmie, a zatym źbieh. Zabojstva nie raskrytaje da hetaha času.
Pa spravie ab zabojstvie Palmie byŭ zatrymany i asudžany na pažyćciovaje źniavoleńnie Kryster Pietersan, adnak paźniej jaho adpuścili z-za niedachopu dokazaŭ. Sam jon nieadnarazova braŭ na siabie vinu za zabojstva i admaŭlaŭ jaje.
Kamientary