27 śniežnia ŭ Homielskim filijale Vietkaŭskaha muzieja staraabradnictva i biełaruskich tradycyj imia F.Šklarava prajšła «Adzinaja biełaruskamoŭnaja jalinka» dla dziaciej. Na śviacie prysutničali kala 30 dziaciej i ich baćki.
U prahramie «Jalinki» byli karahody, batlejka, kaladnyja śpievy ad hurtu hramadskaj krajaznaŭčaj moładzievaj arhanizacyi «Tałaka», vystupy hurtu «Jahorava hara».
Mierapryjemstva prajšło pa inicyjatyvie biełaruskamoŭnych maci Homiela. «Razam z muziejem i hramadskaj moładzievaj krajaznaŭčaj arhanizacyjaj «Tałaka» raspracavali scenar śviata, zrabili abviestki i, pa ščyraści, nie čakali, što pryjdzie stolki ludziej. U mianie synu amal paŭtara hoda, i chaciełasia śviata, zasnavanaha na biełaruskich tradycyjach», — prakamientavała adna ź inicyjataraŭ mierapryjemstva Julija Siviec.
Dyrektar muzieja Piatro Całka ŭdzielničaŭ u śviacie ŭ jakaści batlejščyka, Kazy i Miški. «Spadziajusia, i darosłym nie było sumna. Batlejka nie mieła peŭnaha scenaru, ale kaściak — heta takija aŭtentyčnyja piersanažy, jak Anton i Antonicha, Cyhan, Kaza, Car Irad, znajšli miesca ŭ našym śpiektakli», — zaznačyŭ Piatro Całka.
Kamientary