Upieršyniu ŭ ciapierašnim zimovym siezonie načnaja tempieratura pavietra ŭ Biełarusi apuściłasia nižej za 25-hradusnuju adznaku, u Minsku - nižej za 20-hradusnuju.
U noč na 3 studzienia ŭ Babrujsku pachaładała da minus 26,3 hradusa, u stalicy - da 20,8 hradusa marozu.
Ciaplej za ŭsio nočču było ŭ Pinsku - minus 15,4 hradusa.
Absalutny minimum nočy na 3 studzienia byŭ zafiksavany ŭ 1941 hodzie ŭ Viciebsku - minus 32 hradusa. U Babrujsku samaja chałodnaja noč na 3 studzienia była ŭ 1987 hodzie (minus 29,2), u Minsku - u 1941 hodzie (29,1).
U bližejšyja dni maroznaje nadvorje zachavajecca, prykmietnaje paciapleńnie čakajecca da kanca nastupnaha tydnia.
MNS adznačaje ŭzrastańnie kolkaści pažaraŭ u paraŭnańni z pačatkam studzienia minułaha hoda: 99 suprać 68, zahinuła 18 čałaviek (14).
(Vykarystany apieratyŭnyja i archiŭnyja dadzienyja resursaŭ meteoinfo.by, hmc.by, 112.by.)
Ciapier čytajuć
Što Babaryka i Kaleśnikava adkazali na pytańni pra vajnu78
Kamientary