Biełaruś hatovaja prykłaści maksimum namahańniaŭ dla ŭrehulavańnia rasijska-tureckaha kanfliktu, taksama jak heta robicca i pa Ukrainie. Pra heta zajaviŭ u efiry biełaruskaha telebačańnia (telekanała «Biełaruś 1») ministr zamiežnych spraŭ respubliki Uładzimir Makiej.
president.gov.by
«My zacikaŭleny ŭ tym, kab hety kanflikt byŭ urehulavany jak maha chutčej», — skazaŭ jon. Pavodle jaho słoŭ, razam z tym, Minsk «nie źbirajecca naviazvać pasrednickija pasłuhi».
«Ale my zychodzim z taho, što cisk adzin na adnaho, sankcyi ŭ dačynieńni da adzin adnaho — heta nie mietad vyrašeńnia prablem u miždziaržaŭnych adnosinach. My heta adčuli na sabie», - adznačyŭ ministr. Pry hetym vykazaŭ upeŭnienaść u tym, što kanflikt pamiž Rasijaj i Turcyjaj rana ci pozna ŭdasca vyrašyć.
Pavodle jaho słoŭ, prezident Biełarusi Alaksandr Łukašenka mieŭ razmovu ź lidarami Rasii i Turcyi, «vykazvajučy svoj punkt hledžańnia».
«Ale my nie možam prymusić tyja ci inšyja baki dziejničać tak, jak nam chaciełasia b», — adznačyŭ ministr.
Pavodle jaho słoŭ biełaruski bok, maje prava vykazvać svoj punkt hledžańnia. «A ŭžo sprava astatnich subjektaŭ, pryniać hety punkt hledžańnia abo nie pryniać», — skazaŭ Uładzimir Makiej.
