Rafael Bienites pakinuŭ pasadu hałoŭnaha treniera ispanskaha futbolnaha kłuba «Reał». Pra heta paviedamlaje vydańnie Marca. Pa dadzienych krynicy, na hetaj pasadzie jaho źmienić francuz Ziniedzin Zidan, jaki pracuje z druhoj kamandaj kłuba «Reał Kastylija».
Rašeńnie ab adstaŭcy 55-hadovaha ispanskaha śpiecyjalista było pryniata pa vynikach ekstrannaha schodu kiraŭnictva «Reała» na čale z prezidentam kłuba Fłarentyna Pieresam. Pryčynaj zvalnieńnia Benitesa stali niezdavalniajučyja vyniki kamandy.
Paśla 18 turaŭ «Reał» idzie na trecim miescy ŭ turnirnaj tablicy čempijanatu Ispanii, nabraŭšy 37 ačkoŭ. Lidziruje madrydski «Atletyka» (41 ačko), druhoje miesca zajmaje «Barsiełona» (39 ačkoŭ, 17 matčaŭ).
Bienites uznačaliŭ madrydski kłub u červieni 2015 hoda. Jon źmianiŭ na pasadzie hałoŭnaha treniera italjanca Karła Ančałoci.
Zidan źjaŭlajecca trochrazovym uładalnikam uznaharody «Najlepšy futbalist śvietu pa viersii FIFA» (1998, 2000, 2003). U składzie zbornaj Francyi hulec stanaviŭsia čempijonam śvietu (1998) i čempijonam Jeŭropy (2000). Za «Reał» Zidan vystupaŭ z 2002 pa 2006 hady, zaviaršyŭšy karjeru futbalista ŭ ispanskaj kamandzie.
Z 2009 hoda pracavaŭ pamočnikam prezidenta «Reała» Pieresa. U 2011-2012 hh. zajmaŭ pasadu spartyŭnaha dyrektara kłuba. Uletku 2014-ha francuz uznačaliŭ «Reał Kastylija».
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary