Rychtujecca da vydańnia kniha «Biełaruski eratyčny falkłor».
10 hod tamu vyjšła navukovaja praca Taćciany Vałodzinaj i Anatola Fiadosika pad takoj nazvaju. Ciapierašni zbornik robicca na padstavie taho materyjału, adaptavanaha dla šyrokaha koła čytačoŭ.
Eratyčnaja tematyka ŭłaścivaja praktyčna ŭsim žanram tradycyjnaha falkłoru biełarusaŭ. Žančyna i mužčyna, ich luboŭnyja i intymnyja ŭzajemaadnosiny z roznaj stupieńniu «prazrystaści» apisany ŭ tvorach vusnaj narodnaj tvorčaści, sabranych u dadzienym zborniku. Takija teksty ŭklučali ŭ svaje zbory vybitnyja falkłarysty XIX stahodździa Je.Ramanaŭ i P.Šejn, M.Fiedaroŭski i M. Nikifaroŭski, a viasielnyja pieśni, prymierkavanyja da pieršaj šlubnaj nočy i sabranyja A. Dembavieckim, vyjšli nikčemna małym nakładam — usiaho ŭ 20 asobnikaŭ.
Vielmi lubiŭ takija teksty naš vialiki sučaśnik Ryhor Baradulin, bahata ich patrapiła ŭ knihi «Zdubaviećcie» i «Vušacki słovazbor» (častka ź ich taksama ŭklučanaja ŭ ciapierašni zbornik). Iskrystyja i daścipnyja pieśni zapisvajucca ŭ biełaruskaj vioscy da siońnia. Abradavy falkłor padajecca ŭ kole kalandarnych i siamiejnych śviataŭ, a pazaabradavaja liryka i prypieŭki pradstaŭleny kalekcyjami źbiralnikaŭ.
Zapisy XIX st. adaptavanyja da normaŭ sučasnaj biełaruskaj movy, ale zachoŭvajuć miascovy maŭlenčy kałaryt. Varta asabliva padkreślić, što heta nie zbornik «čarnuchi i parnuchi». Što biełaruski falkor (u tym liku i eratyčny) — heta hłybinia vobrazaŭ i mietafar, krynica narodnaj mudraści i daścipnaści. abačyć prykłady, daznacca padrabiaznaści i padpisacca na knihu možna tut.
Ciapier čytajuć
U minskim mietro prachodziać vyprabavańni novyja ciahniki FOTY1
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary