33-hadovy hramadzianin Rasii pryjechaŭ na Novy hod u hości da maci. Ale śviatočnaja noč zaviaršyłasia trahiedyjaj: jaho siabroŭku ź ciažkaj adkrytaj čerapna-mazhavoj traŭmaj, ušyblenaj ranaj łoba, pierałomam kostak nosa i šmatlikimi hiematomami miedyki špitalizavali ŭ lakarniu.
Małady čałaviek paviedamiŭ, što jaho siabroŭka zvaliłasia ŭ padjeździe. Jon jaje znajšoŭ i vyklikaŭ chutkuju dapamohu, paviedamlaje mahiloŭskaja milicyja.
Adnak padčas apieratyŭna-vyšukovych mierapryjemstvaŭ milicyjanty vyjavili, što maładyja ludzi pasvarylisia pamiž saboj. Śpiarša chłopiec źbivaŭ dziaŭčynu ŭ kvatery, a potym pieraśledavaŭ jaje na leśvičnym pralocie i šturchanuŭ.
Dziaŭčynie zrabili apieracyju, paśla jakoj jana niekali dzion praviała ŭ komie, a potym pamierła. Rasijanina zatrymali.