Z 12 studzienia pavyšajecca košt prajezdu ŭ mižharodnich aŭtobusach. Infarmacyja pra novyja taryfy raźmieščana na aficyjnym sajcie Minsktransa.
Košty na kvitki mižharodnich maršrutaŭ vyrastuć u siarednim na 10%. Prajezd padaražeŭ jak u aŭtobusach ahulnaha typu, tak i ŭ aŭtobusach ź miakkimi adkidnymi siadzieńniami. Pavyšeńnie taryfaŭ zakranie zvyčajnyja i chutkasnyja maršruty.
Taryf na aŭtamabilnyja pieravozki pasažyraŭ u rehularnych znosinach na mižharodnich maršrutach ŭstaloŭvajucca asobna dla nastupnych maršrutaŭ:
za adzin kiłamietr prajezdu
Minsk — Hrodna praz Baranavičy ŭ pamiery 464 rubloŭ;
Minsk — Mahiloŭ u pamiery 500 rubloŭ;
Minsk — Pinsk praz Kleck, Minsk — Pinsk praź Siniaŭku ŭ pamiery 660 rubloŭ;
za pajezdku
Minsk — Hrodna ŭ pamiery 140 000 rubloŭ,
na ŭčastku Minsk — Lida ŭ pamiery 65 000 rubloŭ.
Taryfy na pieravozku dziaciej ad 5 da 10 hadoŭ u rehularnych znosinach na mižharodnich maršrutach ŭstaloŭvajucca ŭ pamiery 50% ad ustanoŭlenych taryfaŭ. Dla źnižki treba pradstavić paśviedčańnie ab naradžeńni abo dakumient, jaki śviedčyć asobu adnaho z baćkoŭ, u jakim majecca adznaka ab dzieciach.
Pry hetym źnižka nie raspaŭsiudžvajecca na maršruty, jakim prysvojeny numar ź simvałam «K», jakija nie adnosiacca da pieravozak transpartam ahulnaha karystańnia.