Pieryjad burnaha rostu suśvietnaj ekanomiki moža skončycca, kali zahłuchnie jaje kitajski mator, jaki ruchaŭ rost usioj płaniety apošnija 10 hadoŭ. Mienavita Kitaj byŭ asnoŭnym spažyŭcom nafty, mietałaŭ i zbožža. Jaho patreby spyniajuć raści, pramysłovaja vytvorčaść zastaparyłasia. Heta moža prynieści karennyja źmieny va ŭsim śviecie.
Juań abiasceńvajecca, i kiraŭnictva Kitaja tracić usio bolš resursaŭ, kab utrymać valutu i tempy rostu, kab zachavać spakoj usio bolš niezadavolenaha nasielnictva krainy.
Pavodle aficyjnych źviestak, u śniežni zołatavalutnyja reziervy Kitaja skaracilisia na rekordnyja $108 miljardaŭ da $3330 miljardaŭ, paviedamlaje ahienctva Błumbierh. Ahułam za hod Kitaj rastraciŭ kala 500 miljardaŭ, abo 15% svaich zapasaŭ, a heta ŭžo surjozna.
Choć Kitaj pa-raniejšamu maje najbolšyja resursy ŭ śviecie (dla paraŭnańnia: Rasija — 370 młrd, Polšča — 98, Biełaruś — 4), pry takim tempie trat i pamierach kitajskaha VUP i nasielnictva mahčymaściej dla manieŭru ŭ Piekina moža zastacca ŭsio mienš.
